Una molly house («casa de mariques») ye un términu arcaicu n'Inglaterra pa referise a una tabierna o una habitación privada na que los homes homosexuales podíen conocese, axuntase y posiblemente atopar pareya sexual. Estos llugares esistíen na mayoría de les grandes ciudaes britániques. Les molly houses son los precursores de los modernos chigres gais.
El más famosu foi'l de Mother Clap nel área de Holborn, en Londres. Nel sieglu XVIII, los homes homosexuales yeren escorríos poles lleis de sodomía, que la so pena yera la de muerte na forca. Los archivos de los tribunales de casos qu'afectaron a aquellos qu'usaben les molly houses son la principal prueba documental de la so esistencia que sobrevivió al pasu del tiempu. Por casu, el 9 de mayu de 1726, tres homes (Gabriel Lawrence, William Griffin y Thomas Wright) fueron colgaos en Tyburn por sodomía. Charles Hitchen, el Under City Marshal, tamién foi condergáu en 1727 d'intentu de sodomía nuna molly house.
Los dueños de molly houses (llamaos mollies, «mariques»)[1] solíen vistir ropa de muyer, creaben una personalidá femenina y teníen muncha pluma.
Referencies
- ↑ Molly ye un diminutivu de Mary, al igual que n'español «Marica» ye un diminutivu de «María».
Referencies
- Norton, Rictor. «Homosexuality in Eighteenth-Century England: A Sourcebook». Consultáu'l 27 d'avientu de 2006.
- Kaplan, Morris B. (2005). Sodom on the Thames: Sex, Love, and Scandal in Wilde Times. Cornell University Press, páx. 314 pages. ISBN 0-8014-3678-8.
Enllaces esternos
- The Gay Subculture in Early Eighteenth-Century London (n'inglés)
- The Trial of Thomas Wright (n'inglés)
- City of Vice on Channel 4 featured Molly House in Episode 2 (n'inglés)
- Alla corte di "Mamma Clap" (n'italianu)
