Michael Beck

Michael Beck
Vida
Nacimientu	Memphis, 4 de febreru de 1949 (75 años)
Nacionalidá	Estaos Xuníos
Residencia	California
Llingua materna	inglés
Estudios
Estudios	Central School of Speech and Drama ; Memphis University School (en)
Llingües falaes	inglés
Oficiu	actor
Nominaciones	ver Anexo:Razzie al peor actor (es) ; (1981): Xanadu;
IMDb	nm0065235

Michael Beck (4 de febreru de 1949, Memphis) ye un actor d'Estaos Xuníos.

Vida y carrera

Nos sos años d'adolescencia destacó como Quarterback nel equipu de Football americanu del so institutu, daqué que-y abrió les puertes pa consiguir una beca deportiva practicando esti deporte na Universidá de Mississippi, onde estudió Económiques.

Nos campus empezó a entrar en contautu con unes interpretaciones participando en montaxes de delles obres Romeo y Julieta, Camelot y La gata sobre'l teyáu de cinc. En graduándose na universidá, decidió estudiar interpretación nel London's Central School of Speech and Drama.

Anque en 1971 yá interviniera como figurante na película The Hard Ride, el so debú oficial tuvo llugar col drama "Mad Man" (1978). Esi mesmu añu intervieno na prestixosa miniserie Holocaustu.

En 1979 destacó como Swan, el carismáticu líder de la banda caleyera The Warriors na estupenda película de Walter Hill, tou un títulu de cultu del cine de finales de los 70.

Un añu más tarde intervieno nel telefilme Alcatraz: Una hestoria real y de siguío protagonizó en Xanadú, un musical con cantares de Electric Light Orchesta. Interpretó a Sonny Malone, un dibuxante que se namora de Kira (Olivia Newton-John), la so musa de la inspiración, de la que se fai amigu d'un vieyu llamáu Danny Maguire (Gene Kelly). La película nun llogró l'ésitu esperáu y recibió pésimes crítiques (anque col pasu del tiempu ganó dellos defensores). Magar que Beck demostró les sos aptitúes pal cantar y el baille, según les sos propies pallabres, esti filme cerró-y les puertes a la d'optar a bonos papeles y foi nomáu al Razzie.

En 1982 secundó a Richard Harris nel western El trunfu d'un home llamáu Caballu ya intervieno en dos films de ciencia-ficción de serie B titulaos Destructor y Megaforce, el primeru d'ellos foi un meru asonsañu de la insuperable "Mad Max: El guerreru de la carretera" de George Miller y el segundu reportó-y 039;'Megaforce la so segunda nominación al Razzie, nesta ocasión como Peor actor secundariu.

Darréu empezó a intervenir con frecuencia en telefilms como The Last Ninja (1983), The Streets (1984), Conxelaos (1985) de Wes Craven o Houston: The Legend of Texas (1986). En 1985 compartió cartelu con Lauren Bacall nun montaxe londinense de la obra Sweet Bird of Youth, de Tennessee Williams. En 1987 intervieno na serie policiaca Los caballeros de Houston, onde dio vida al Sarxentu Devon Lundy, un policía que tenía como compañeru al Sarxentu Joey La Fiamma (Michael Paré). La serie permaneció n'antena mientres dos temporaes y remató en 1988.

Nos años 90 siguió combinando la so trayeutoria en telefilms como Cacciatori di navi (1990), The Reckoning (1991) Deadly Game (1991), Stranger at My Door (1991) y Fade to Black (1993), con películes destinaes al mercáu del vídeoclub como Forrest Warrior (1996) y Jungle Book: Lost Treasure (1998). Mientres esta década y a principios del sieglu XXI foi actor invitáu nes series "Murder, She Wrote", In the Heat of the Night y Babylon 5.

En 2005 retornó al personaxe de Swan pa doblar el vídeojuego basáu en "The Warriors" (bien recomendable pa los fans de la película) y tamién foi entrevistáu pa la edición especial en DVD de dichu filme, siendo estos los sos dos últimos trabayos hasta la fecha. En feches cercanes allegó a conferencies de ciencia-ficción y tamién s'encargó d'emprestar la so voz como narrador de dellos audiu noveles de John Grisham y de una autobiografía del ex-presidente Bill Clinton, toes elles editaes en formatu de CD. No personal ta casáu cola compositora Cari Taylor dende 1980 y dambos son padres de dos fíos.

Filmografía

The Warriors (1979). De Walter Hill.
Alcatraz. (1980) Alcatraz: The Whole Shocking Story. De Paul Krasny.
Xanadú. (1980) Xanadu. De Robert Greenwald.
Megaforce. (1982) Megaforce. De Hal Needham.
Destructor. (1982) Warlords of the 21st Century. De Harley Cokeliss.
El postreru ninja. (1983) The last ninja. De [(William A. Graham)].
Foca dorada, La. (1983) The Golden Seal. De Frank Zuniga.
El trunfu d'un home llamáu caballu (1983). De John Hough
Entrenamientu mortal. (1986) Killer Workout. De David A. Prior.
Guerrero del monte, El. (1996) Forest Warrior. D'Aaron Norris.
DVD Primer aventura de Mowgly, La. (1998) Jungle Book: Lost Treasure. De Michael McGreevey.

Referencies

↑ URL de la referencia: http://razzies.com/asp/content/XcNewsPlus.asp?cmd=view&articleid=20. Direición web d'archivu: https://web.archive.org/web/20131104113243/http://razzies.com/asp/content/XcNewsPlus.asp?cmd=view&articleid=20. Data de consulta: 16 payares 2019.

Enllaces esternos

Michael Beck na Internet Movie Database (n'inglés)
Michael Beck n'AllMovie (n'inglés)

This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.

[d70b8381eaa2f494b548a13d59bc83e887541b32-1] URL de la referencia: http://razzies.com/asp/content/XcNewsPlus.asp?cmd=view&articleid=20. Direición web d'archivu: https://web.archive.org/web/20131104113243/http://razzies.com/asp/content/XcNewsPlus.asp?cmd=view&articleid=20. Data de consulta: 16 payares 2019.

[1]