La Badshahi Masjid en Lahore, Paquistán con un iwan nel centru, tres cúpules y cinco minaretes visibles.

Una mezquita ye un llugar de cultu pa los seguidores de la fe Islámica.Los musulmanes, xeneralmente refiérense a elles pol so nome arábigu, masŷid (árabe: مسجد — pronunciau: /ˈmas.ʤid/), en plural masāŷid (مساجد /maˈsa:.ʤid) . La pallabra "mezquita" usase n'asturianu pa facer referencia a tou tipu edificios usaos pal cultu islámicu, pero n'árabe esiste diverxences ente les mezquites privaes, más pequeñes, y les mayores, de usu coleutivu (masŷid ŷāmiʿ; árabe: مسجد جامع), que alberguen una comunidá mayor y tienen más servicios sociales. Les mezquites remanecen de la Península Arábiga, pero agora esisten nos cinco continentes.

El propósitu principal de la mezquita ye sirvir de llugar ú los musulmanes pueden aconceyase pa rezar. anque guei nun son sólo conocíes en tou el mundu pola so importancia xeneral pa la comunidá musulmana, sinón tamién como amosances de l'arquiteutura islámica. Dende el puntu de vista arquiteutónicu, les mezquites evolucionaron abondo dende los espacios al aire llibre que yeren la mezquita de Quba y la Masŷid an-Nabawī nel sieglu VII. Guei la mayoranza de les mezquites tienen cúpules ellaboraes, minaretes y sales pa orar. Culturalmente, les mezquites nun son sólo llugares pa adorar y orar, sinón tamién llugares pa deprender sobro l'Islam y conocer a otros creyentes.

Mezquites n'España

N'España actualmente[¿cuándo?] y sobretou dende 1990 el númberu de musulmanes ta aumentando aína debido principalmente a la migración, ye por esto que el númberu de mezquites subiera dende esti añu, cuando yeren solu 20, a les 100 que hai actualmente, magar que na Edá media hubo munches repartíes por tou el territoriu pola dominación Musulmana, magar que toes elles foron destruíes o tornáronse Ilesies cola reconquista, como ye el casu de la Mezquita de Córdoba, anguaño Catedral

Mezquites n'Asturies

N'Asturies anguaño[¿cuándo?] hai 3 mezquites en funcionamientu, una n'Uviéu (Mezquita Inshallah) na cai Rafael Gallego Sainz, anque solo abre los vienres. Tamién hai dos de menor importancia, una en Ciañu (Llangréu) y otra en Xixón.

Referencies

    Enllaces esternos

    This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.