28-10-2021 00:00

Les especies d'aves con nome común en llingua asturiana márquense como NOA. En casu contrariu, conséñase'l nome científicu.

Merops viridis
Estáu de caltenimientu
Esmolición menor (LC)
Esmolición menor (IUCN 3.1)
Clasificación científica
Reinu: Animalia
Filu: Chordata
Clas: Aves
Orde: Coraciiformes
Familia: Meropidae
Xéneru: Merops
Especie: M. viridis
Linnaeus, 1758
Consultes
[editar datos en Wikidata]

El abeyerucu gorgiazul[1] tamién llamáu de gargüelu azul[2] (Merops viridis) ye una especie d'ave coraciforme de la familia Meropidae que s'atopa en Brunéi, Camboya, China, Ḥong Kong, Indonesia, Laos, Malasia, Filipines, Singapur, Taiwán, Tailandia y Vietnam.

Hábitat

Vive nos montes y manglares tropicales y subtropicales hasta los 750 msnm. Migren mientres la temporada reproductiva, cuando se-yos atopa tamién en terrenes abiertos, praos, bancos de sable y sableres.[3]

Descripción

Mide 21 a 30 cm de llargor. Les plumes centrales de la cola algamen hasta 9 cm. Pesa 34 a 41 g. El picu ye llargu y curvado. Presenta'l pileu y la nuca de color castañu escuru acoloratáu, con una banda negra de la base del picu hasta los oyíos; el mentón y el gargüelu son de color azul; les ales verde escuru; el pechu y el banduyu verde claru; el llombu, la grupa y la cola azul claru.[4]

Alimentación

La so dieta ta compuesta por inseutos, principalmente himenópteros (formigues, abeyes, babarones y aviespes), pero tamién escarabayos, libélulas, ortópteros (saltapraos, llagostes, saltapraos y grillos), tamién caparines.[3]

Reproducción

El machu ufierta un inseutu a la fema, dacuando dellos y cuando ella acepta'l cortexu, la cópula tien llugar col machu nalando pa caltener l'equilibriu ente que la fema sostiense firmemente a una percha. Añeren depués en colonies numberoses. Cada pareya constrúi'l nial cavando en bancos d'arena túneles de 1,5 a 4,5 m de llargu y 7 cm d'anchu, que terminen nuna cámara de 10 cm de diámetru y 40 cm fondura. La fema pon ente unu y cinco güevos blancos brillantes redondos. xeneralmente trés, que miden en permediu 23,1 x 20,3 mm. Los güevos eclosionen dempués de 24 díes y los pichones abandonen el nial un mes dempués.[3]

Taxonomía

La subespecie M. v. americanus de les Filipines ye dacuando considerada una especie distinta M. americanus.

Referencies

  1. ↑ Bernis, F; De Juana, E; Del Hoyo, J; Fernández-Cruz, M; Ferrer, X; Sáez-Royuela, R; Sargatal, J. «Nombres en castellano de las aves del mundo recomendados por la Sociedad Española de Ornitología (Sexta parte: Coliiformes, Trogoniformes y Coraciiformes)». Ardeola. Handbook of the Birds of the World (Madrid: SEO/BirdLife) 48 (1):  páxs. 107-110. ISSN 0570-7358. https://www.seo.org/wp-content/uploads/tmp/docs/vol_48_1_sexto.pdf.
  2. ↑ Abeyerucu de Gargüelu Azul (Merops viridis) Linnaeus, 1758; Avibase. Consultáu'l 10 de mayu de 2013. (n'inglés)
  3. 1 2 3 "Species: Blue-throated Bee-eater Merops viridis"; The Birds of Singapur. Consultáu'l 10 de mayu de 2013.
  4. ↑ Brazil, Mark (2009) Birds of East Asia: 278, pl.125. London: Christopher Helm.

Enllaces esternos

This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.