Melina Kanakaredes

Melina Kanakaredes
Vida
Nacimientu	Akron, 23 d'abril de 1967 (56 años)
Nacionalidá	Estaos Xuníos
Llingua materna	inglés
Estudios
Estudios	Universidad Point Park (es) ; Firestone High School (en) ; Universidá Estatal d'Ohio
Llingües falaes	inglés
Oficiu	actriz, actriz de televisión, actriz de cine, guionista
IMDb	nm0005074

Melina Eleni Kanakaredes Constantinides (en griegu: Μελίνα Ελένη Κανακαρίδου Κωνσταντινiδου) ye una actriz greco-norteamericana, nomada al Emmy, conocida principalmente polos papeles protagonistes en dos series de televisión del prime time d'Estaos Xuníos: la detective Stella Bonasera en CSI: NY y, enantes, la Dra. Sydney Hansen en Providence.

CBS confirmó en xunetu del 2010, que Kanakaredes nun tornaría pa la séptima temporada de CSI: NY.

Biografía

Kanakaredes nació en Akron, Ohio el 23 d'abril de 1967, ye la fía de Constance "Connie" Tarrezo, propietaria d'una empresa de llambionaes y Harry Kanakaredes, vendedor de seguros. Los sos dos tíos maternos tienen y dirixen una tienda de dulces en Akron llamada "Tarrezo's Candy Company", una tienda de chocolate establecida nel so allugamientu actual pol güelu de Kanakaredes, Christ Tarrezo. Tien dos hermanes: Cornelia "Lía" y Aretta Kanakaredes.

Kanakaredes asistió al Pittsburgh Musical Theatre, como estudiante. A los 8 años, Kanakaredes fixo'l so debú teatral nuna producción de "Tom Sawyer", en Weathervane Playhouse en Akron , Ohio. Graduóse de Firestone High School en Akron. Asistió a Ohio State University por un curtiu tiempu, y depués foi tresferida a Point Park College en Pittsburgh, Pennsylvania. Graduóse de Point Park en 1989 con una Llicenciatura n'Artes Escéniques

Carrera

Televisión

El primer papel televisivu de Kanakaredes foi nel drama diurnu Guiding Light, interpretando'l papel de Eleni Andros Cooper, dende 1991 hasta 1995. Foi nomada dos veces pa un Premiu Daytime Emmy pola so interpretación de Eleni.

Los sos papeles más destacaos na televisión fueron como la Dra. Sydney Hansen nel Providence, que s'emitió mientres cinco temporaes, ente 1999 y 2002, y como la Detective Stella Bonasera na serie dramática de CBS CSI: NY. Kanakaredes dexó CSI: NY nel 2010, dempués de seis temporaes.

Los sos creitos en televisión inclúin NYPD Blue, nun papel recurrente como la periodista Benita Alden, mientres la segunda temporada, Northern Exposure, Due South, Oz, The Practice, The Ben Stiller Show, y una adautación del Hallmark Hall of Fame de la novela d'Anne Tyler, Saint Maybe.

Cine

Les participaciones de Kanakaredes nel cine inclúin: The Long Kiss Goodnight como Trin y en 15 minutos, como Nicolette Karas, la novia del personaxe de Robert De Niro. Foi considerada pal papel principal en My Big Fat Greek Wedding, pero tuvo que refugalo por cuenta del so embaranzu.

Desempeñó'l papel de la diosa griega Atenea en Percy Jackson & the Olympians: The Lightning Thief.

Vida personal

Kanakaredes ta casada con Peter Constantinides dende'l 6 de Setiembre de 1992. La pareya tien 2 fíes: Zoe (nacida'l 23 de mayu del 2000) y Karina Eleni (nacida'l 25 de xineru del 2003). Ella y el so maríu tienen un restorán llamáu "Tria Greek Kuzina" en Powell, Ohio. Cuando se-y preguntar por qué nun utiliza l'apellíu del so home profesionalmente, dixo: "Ye entá más malo de pronunciar que'l mio apellíu de soltera".

Filmografía

Añu	Títulu	Papel	Notes
1987	Carts
1994	Bledding Hearts	Daphne	Episodiu "Fatal Destiny"
1991 - 1995	The Guiding Light	Eleni Andros	Serie de TV 46 episodios Nomada Soap Opera Digest Award (1994) Nomada Daytime Emmy Award Ganadora PFSCA award
1995	Due South	Victoria Metcalfe	Serie de TV (3 Episodios)
1995	New York News	Angelina Villanova
1995	NYPD Blue	Benita Alden	Cinco episodios
1996	The Long Kiss Goodnight	Trin
1997	Leaving L.A.	Libby Galante
1997	The Practice (L'abogáu)	Andrea Wexler	Dos episodios
1998	Dangerous Beauty	Livia
1998	Rounders	Bárbara
1998	Saint Maybe	Rita
1998	Oz	A.D.A. Marilyn Crenshaw	1 Episodiu
2001	15 minutos	Nicolette Karas
1999 - 2002	Providence	Dra. Sydney Hansen	Papel principal
2004	CSI: Miami	Stella Bonasera	Un episodiu
2005	Into the fire	Catrina/Sabrina Hampton
2004 - 2010	CSI: NY	Stella Bonasera	Papel principal
2009	"Percy Jackson & the Olympians: The Lightning Thief"	Atenea	Diosa
2013	El mensaxeru (Snitch)	Sylvie Collins

Referencies

↑ Afirmao en: Gemeinsame Normdatei. Data de consulta: 27 abril 2014. Llingua de la obra o nome: alemán. Autor: Biblioteca Nacional d'Alemaña.

Enllaces esternos

Melina Kanakaredes na Internet Movie Database (n'inglés)
CSI: NY na CBS (n'inglés).

This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.

[e3f7e60fd57a19a620f403bcf0bc3c7519ed92fc-1] Afirmao en: Gemeinsame Normdatei. Data de consulta: 27 abril 2014. Llingua de la obra o nome: alemán. Autor: Biblioteca Nacional d'Alemaña.

[1]