Mayfair
Alministración
PaísBandera del Reinu Xuníu Reinu Xuníu
Nación constitutivaBandera de Inglaterra Inglaterra
Rexón Londres
Condáu ceremonial Gran Londres
Borough Ciudá de Westminster
Tipu d'entidá barriu de Londres
Códigu postal W1K y W1J
Xeografía
Coordenaes 51°30′37″N 0°08′50″W / 51.5103°N 0.1472°O / 51.5103; -0.1472
Mayfair alcuéntrase en Reinu Xuníu
Mayfair
Mayfair
Mayfair (Reinu Xuníu)
Llenda con Marylebone y Soho (es) Traducir
Más información
Prefixu telefónicu 020
Cambiar los datos en Wikidata

Mayfair ye un barriu de la ciudá de Londres, perteneciente al distritu de la Ciudá de Westminster, asitiáu en West London. Trátase d'un barriu caru y prestixosu, comercial y de servicios. Nél asítiense munches de les tiendes de moda más lluxoses de Londres, siendo especialmente conocida Bond Street. Cuenta con encantadores y verdes places como Berkeley Square; equí atópase la Embaxada de los Estaos Xuníos.

Historia

Mayfair foi principalmente una zona de campos abiertos hasta qu'empezó a desenvolvese na zona de Shepherd Market alredor del añu 1686 p'acoyer la Feria de Mayu (May Fair) que se treslladare dende Haymarket en St James's. Había dellos edificios anteriores a esa fecha – un cottage en Stanhope Row, que se remontaba a 1618, foi destruyíu nel Blitz a finales del añu 1940, anque nun hai evidencies de moraes o edificios significativos primero de 1686.[1]

Especulóse sobre si los romanos s'establecieron na zona enantes de fundar Londinium.[2] Dende los años 1950 esiste la teoría de qu'Aulo Plaucio estableció un fuerte cerca de la unión ente Park Street y Oxford Street mientres la conquista romana de Britania nel añu 43 mientres esperaba a Claudio; la teoría desenvolvióse más en 1993, con una propuesta de que, alredor del fuerte, formóse una ciudá romana, que más tarde s'abandonó por tar demasiao lloñe del Támesis. La propuesta aldericóse por cuenta de l'ausencia d'evidencies arqueolóxiques.[3] Si esistiere un fuerte, créese que'l perímetru taría onde se alcuentren anguaño les cais Green Street, North Audley Street, Upper Grosvenor Street y Park Lane, que Park Street sería la carretera principal al traviés del centru.[4]

Mayfair yera parte de la parroquia de St Martin in the Fields. Recibe'l nome d'una feria que se celebraba a lo llargo d'una quincena nel mes de mayu May Fair, feria que, ente 1686 y 1764, se celebró nel llugar onde s'atopa Shepherd Market. La feria, primeramente, se celebró en Haymarket; treslladóse en 1764 al Fair Field en Bow nel East End de Londres, depués de quexes de los residentes.

El baronet Sir Thomas Grosvenor, casó con Mary Davis, heredera de parte del señoríu (Manor) d'Ebury, en 1677; la familia Grosvenor llogró 40 hectárees (100 acres) de Mayfair.[5] La mayor parte de la zona de Mayfair foi construyida dende mediaos del sieglu XVII hasta mediaos del XVIII como un distritu residencial, por una serie de caseros, el más importante d'ellos el de la familia Grosvenor, qu'en 1874 llograron el títulu de duques de Westminster. En 1724 Mayfair convirtióse en parte de la parroquia de St George Hanover Square, que s'estendía hasta Bond Street na parte sur de Mayfair y cuasi hasta Regent Street al norte de Conduit Street. La llende septentrional yera Oxford Street y el meridional taría per Piccadilly. La parroquia siguía al oeste de Mayfair hasta Hyde Park y depués al sur pa incluyir Belgravia y otres zones.[6]

Nel sieglu XIX  la familia Rothschild mercó amplies zones de Mayfair. La propiedá absoluta d'una gran seición de Mayfair tamién pertenecía a la Crown Estate.

El distritu ye agora principalmente comercial, con munches oficines y edificaciones nueves edificaciones, incluyendo les sedes de grandes corporaciones, una concentración de hedge funds, negocios inmobiliarios y munches embaxaes, amás del consuláu d'Estaos Xuníos na parte occidental de Grosvenor Square.[7] El preciu de los arriendos tán ente los más altos en Londres y el mundu. Hai dalguna propiedá residencial, tiendes esclusives y la mayor concentración de Londres d'hoteles de lluxu y munchos restoranes. Ente los edificios de Mayfair atópense l'Altu Comisionáu Canadianu, y la embaxada de los Estaos Xuníos en Grosvenor Square, la Real Academia de les Artes, Casa-Muséu de Händel, el Grosvenor House Hotel, el Claridge's y el Dorchester.

Acontecimientos

Nesti barriu londinense, el 21 d'abril de 1926, nació Sabela II del Reinu Xuníu.

Referencies

  1. ↑ City of Westminster green plaques
  2. ↑ «Mayfair». Encyclopædia Britannica.
  3. ↑ .
  4. ↑
  5. ↑ «grosvenor plc web-site». Archiváu dende l'orixinal, el 25 d'abril de 2012. Consultáu'l 22 de xunetu de 2012.
  6. ↑ https://web.archive.org/web/20100118094750/http://www.londontourguide.org.uk/walking-tours.htm
  7. ↑ Embajada de los Estados Unidos (Londres)

Enllaces esternos

This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.