El Marquesáu de la Vega de Anzo ye un títulu concedíu pola rexente Mª Cristina, mientres la minoría d'edá del Rei Alfonsu XIII, el día 14 d'ochobre de 1889, a Emilio Martín González del Valle y Carbajal, doctor en Lleis, profesor de Derechu na Universidá de L'Habana, diputáu a Cortes per Pinar del Río, caballeru gran cruz de la Orde de Sabela la Católica, nació na Habana, el 11 de payares de 1853, y fináu en Córdoba en 1911. Casó dos veces.
Fíu del primer matrimoniu foi Martín González del Valle y Fernández Miranda II Marqués de la Vega de Anzo, caballeru de la Orde de Montesa, procurador en Cortes, caballeru gran cruz de la Orde de Sabela la Católica, comendador de la Orde de Carlos III, Gentilhombre de cámara con exerciciu del Rei Alfonsu XIII. Casóse con María del Pilar Herrero Collantes, I Baronesa de Grau, y tuvieron a José María González del Valle y Herrero, III Marqués de la Vega de Anzo, caballeru de la Orde de Montesa. Casó con Josefina García de la Peña (marquesa consorte), siendo la so fía l'actual titular dende 1993, María del Pilar González del Valle García de la Peña, IV Marquesa de la Vega de Anzo, casada con Rafael Ureña y Francés, con descendencia. Les sos armes son les mesmes que la del conceyu de Grau (Asturies)