Mariano Moré
Vida
Nacimientu Xixón, 7 de mayu de 1899[1]
Nacionalidá España
Muerte Xixón, xunetu de 1974 (75 años)
Estudios
Llingües falaes castellanu
Oficiu pintor
Cambiar los datos en Wikidata

Mariano Moré Cors (7 de mayu de 1899, Xixón – xunetu de 1974, Xixón) foi un pintor asturianu.

La so familia yera la propietaria de la empresa Litografía Artística Hermanos Moré (posteriormente Metalgráfica Moré), asitiada nel barriu xixonés de La Calzada), polo que dende bien mozu tuvo arrodiáu d'un ambiente artísticu. Casó con Encarnación Muñiz García-Cañedo y tuvo dos fíos, Covadonga y Félix[2].

ecibió enseñances de Nemesio Lavilla na so ciudá natal y posteriormente na Escuela Superior de Belles Artes de San Fernando, de Madrid, ampliando los sos conocimientos en viaxes per Italia y Francia.

Fizo'l serviciu militar en Marruecos, onde cubrió la información relativa a esta guerra pal diariu xixonés La Prensa. En acabando la guerra tornó a Xixón, presentando la so primer esposición en añu 1921 nos locales del Atenéu Obreru.

El so estilu yera costumista y los temas que pintaba solíen tar rellacionaos cola mar, la mina o les romeríes asturianes.

Durante la Guerra Civil Española trabayó como dibuxante y cartelista pa les fuercies del Frente Popular, polo que cuando terminó la guerra pasó dellos años en prisión (foi lliberáu en 1940).

Participó en delles esposiciones nacionales, nes qu'obtuvo diversos premios. Tamién foi nomáu profesor de la Escuela d'Oficios Artísticos y Artes Aplicaes, de Madrid. Arriendes de les esposiciones que fizo per España, tamién participó en delles en Méxicu.

Morrió n'Uviéu a los 75 años d'edá.

Referencies

  1. ↑ Afirmao en: Benezit Dictionary of Artists. Identificador Benezit: B00125598. Apaez como: Mariano Moré Cors. Data de consulta: 9 ochobre 2017. Llingua de la obra o nome: inglés. Data d'espublización: 2006. Editorial: Oxford University Press.
  2. ↑ El Mariano Moré familiar se asoma al Piñole El Comercio, consultao'l 20.06.2017

Enllaces esternos

This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.