La música aleatoria (o música d'azar) ye la que ta basada n'elementos ensin regular por pautes establecíes y na qu'adquier un papel preponderante la improvisación. Tales traces pueden afitase na creación del autor o nel desenvolvimientu de la mesma interpretación. Ye frecuente, arriendes d'ello, la composición musical d'obres aleatories nes que'l ejecutante determina la estructura final de la obra, por aciu la reordenación de caúna de les seiciones de la mesma, o inclusive por aciu la interpretación simultánea de delles d'elles.
El azar ye una traza definitoria d'esta téunica compositiva qu'algamaría un notable espardimientu a partir de los años cincuenta. Anque la música aleatoria non esta güei en primer llinia, les sos téuniques son inda bien utilizaes polos compositores.
Les corrientes aleatories tuvieron dalgunes de les sos más significatives representaciones nes creaciones del norteamericanu John Cage -Music of Changes (1951 o 4'33; Música de cambeos)-, l'alemán Karlheinz Stockhausen -Hymnen (1967; Himnos)-, los italianos Bruno Maderna y Franco Donatoni, l'español Luis de Pablo, los arxentinos Alberto Ginastera, y Mauricio Kagel y el francés Pierre Boulez.
El grau de aleatoriedad puede ser una variable más de la música, lo que dexa falar d'una aleatoriedad controlada que manipolia l'azar como un elementu compositivo, como asocede nos Xuegos venecianos (1961) del polacu Witold Lutoslawski.
Les más destacaes modalidaes nes que se plantega la creación aleatoria na música contemporánea son la forma móvil, qu'impon diverses soluciones interpretatives de rangu equiparable; la forma variable, na que predomina la improvisación; y el llamáu work in progress, que constitúi'l máximu grau d'azar na execución de la pieza. En toes elles suelen incorporase preseos clásicos, con especial atención al pianu, y medios d'execución electrónicos tales como sintetizadores, distorsionadores y cintes grabaes.
Referencies
Enllaces esternos
Wikimedia Commons tien conteníu multimedia tocante a Música aleatoria.
