Vida temprana

Black nació en Decatur, Alabama, Estaos Xuníos,^[3] fíu de Jan Black, trabayadora nuna oficina, y Larry Black, que trabayaba nun muséu;^[4] tien un hermanu y una hermana, Lee y Lori, respeutivamente, que son mayores que Lucas. Black creció en Speake, Alabama,^[3] y xugó nel Speake Bobcats, graduándose na enseñanza secundaria en mayu de 2001.

Carrera

Ensin nenguna formación como actor, Lucas Black empezó a trabayar nel cine en 1994, na película de Kevin Costner, The War. Darréu, participó na serie de CBS American Gothic, que s'emitió dende 1995 hasta 1996, y nes películes Sling Blade y Ghosts of Mississippi. Más tarde, en 1997, protagonizó la película pa televisión Flash. En 1998 apaeció en The X Files y foi-y ufiertáu un papel en The Horse Whisperer, sicasí, refugó'l papel. Mientres esti periodu de tiempu, Black foi amás modelu pa la marca Calvin Klein.

Black trabayó en Cold Mountain en 2003 realizando un papel secundariu y darréu en 2004 realizó un papel principal na película Friday Night Lights sobre fútbol americanu. En 2005 trabayó en Jarhead, una película sobre la Guerra del Golfu. Black tamién foi'l protagonista de la tercer película de la saga The Fast and the Furious en The Fast and the Furious: Tokyo Drift. La película estrenó'l 16 de xunu de 2006, y recaldó aproximao 24 millones de dólares na so fin de selmana de apertura;^[5] Black describió'l so papel na película como un "papel risonderu".^[4] Tamién trabayó na película Get Low en 2009.

En 2015 vuelve a la saga de Fast & Furious na séptima entrega, volviendo interpretar a Sean Boswell.

Ademas del so regresu como Sean Boswell na septima entrega de la saga de Fast & Furious Furious 7, Lucas Black roblo un contratu d'Universal Pictures pa salir en trés peliculas mas de la saga, incluyendo: Furious 8, Fast & Furious 9 y Fast & Furious 10 col personaxe de Sean Boswell.