Materia y dualismu onda-corpúsculu

« La idea fundamental de [la mio tesis de 1924] yera la que vien darréu: « El fechu de que, depués de la introducción por Einstein de los fotones na onda luminosa, sabemos que la lluz contién partícules que son concentraciones d'enerxía incorpórea na onda, suxer que toa partícula, como l'electrón, debe ser tresportada por una onda na cual ta incorporada »… La mio idea esencial yera esparder a toles partícules la coexistencia d'ondes y de corpúsculos descubierta por Einstein en 1905 nel casu de la lluz y los fotones. »

« A toa particula material de masa m y velocidá v debe tar "asociada" una onda real » rellacionada cola cantidá de movimientu pola ecuación:

${\displaystyle \lambda ={\frac {h}{p}}={\frac {h}{{m}{v}}}{\sqrt {1-{\frac {v^{2}}{c^{2}}}}}}$

onde ${\displaystyle \lambda }$ ye la lonxitú d'onda, ${\displaystyle h}$ la constante de Planck, ${\displaystyle p}$ la cantidá de movimientu, ${\displaystyle m}$ la masa en repósu, ${\displaystyle v}$ la so velocidá y ${\displaystyle c}$ l'aceleración de la lluz nel vacíu.

Esta teoría sienta les bases de la mecánica ondulatoria. Foi defendía por Einstein, confirmada poles esperiencies de difracción d'electrones de Davisson y Germer, y sobre too xeneralizada polos trabahos d'Schrödinger.

Pero esta xeneralización yera estadística y nun taba d'acuerdu con ella de Brolgie, que dixo « que la partícula debe ser el sitiu d'un movimientu periódicu internu y que debe desplazase na so onda de manera que quede en fase con ella, [fechu] ignoráu polos físicos cuánticos actuales [que cometen] l'error de considerar una propagación d'onda ensin llocalización de partícula, lo que yera contrario a les mios idees primitives. »

Notemos que, dende'l puntu de vista filosóficu, esta teoría de les ondes de materia ye la que más contribuyó a arruinar l'atomismu antiguu, y que na so más grande xeneralización, podría sofitar el vieyu principu de la identidá de l'alma y del cuerpu.