Llinia C-5 (Cercaníes Asturies)
serviciu de tren
Llocalización
País España
Autonomía Principáu d'Asturies
Historia y usu
Dueñu España
Xestión Renfe Feve
Vía de trenEstación
Anchu de vía anchu métricu
Electrificación 1500 VCC (es) Traducir
Conexones llinia Xixón Sanz Crespo - Llaviana
Web oficial
Cambiar los datos en Wikidata

La llinia C-5f, enantes F-5, ye una llinia de cercaníes per vía estrecha de la rede de cercaníes d'Asturies xestionada por Renfe Feve.[1] La llinia percuerre los conceyos de Xixón, Siero, Noreña, Llangréu, Samartín del Rei Aurelio y Llaviana.

Trazáu

Escurre íntegramente pela llinia del Ferrocarril de Llangréu ente les estaciones de Xixón y Llaviana. La infraestructura ye anguaño xestionada por ADIF y ta catalogada como llinia 752 de la rede ferroviaria d'interés xeneral.[2] El trazáu ta electrificáu na so totalidá a 1500 voltios en corriente continua.​ Cuenta con vía doble nel tramu La Florida-La Felguera, siendo'l restu del trazáu de vía única.[3]

Servicios

El contratu de OSP ente'l Ministeriu de Fomentu y Renfe establez 17 frecuencies per sentíu en díes llaborables ente Xixón y Llaviana.​ Compleméntase, dende'l Berrón, con trenes procedentes o con destino Uviéu, con 4 frecuencies per sentíu ente El Berrón y Llaviana y 12 frecuencies semidirectas ente El Berrón y Xixón.

La llinia enllaza en Xixón coles llinies de Llarga Distancia de Renfe, amás de les llinies C-1 y C-4f de cercaníes. N'El Berrón, enllaza cola llinia C-6f Uviéu-L'Infiestu y col serviciu rexonal Uviéu-Santander. Les localidaes de La Felguera, Sama, Ciañu y L'Entregu cunten coles mesmes con servicios de la llinia C-2 nes sos respectives estaciones de la llinia d'anchu ibéricu, que nun son allegantes a les del ferrocarril de Llangréu.

Ver tamién

Referencies

  1. ↑ Ministerio de Fomento (2018). «Contrato OSP Renfe Operadora». páxs. 66-74.
  2. ↑ ADIF (2016). «Catálogo de líneas y ejes de la red ferroviaria de interés general». Declaración de la red. p. 211.
  3. ↑ ADIF (2016). «Catálogo de líneas y ejes de la red ferroviaria de interés general». Declaración de la red. p. 211.
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.