Llinia C-3 (Cercaníes Asturies)
serviciu de tren
Llocalización
País	España
Autonomía	Principáu d'Asturies
Provincia	provincia d'Asturies
Xestión	Renfe Operadora
Vía de trenEstación
Anchu de vía	anchu ibéricu
Conexones	línea Villabona de Asturias-San Juan de Nieva (es) Llinia Venta de Baños-Xixón
Web oficial

La llinia C-3 de cercaníes Asturies ye una llinia de cercaníes operada por Renfe Operadora sol nome de Renfe Cercaníes que conecta Uviéu colos conceyos de Llanera, Siero, Corvera d'Asturies, Avilés y Castrillón.

Historia

Les 20 km entre Villabona d'Asturies y San Juan de Nieva, pasando per Avilés, fueron construyíos nel añu 1890 pa tresportar el carbón de les mines escontra l'interior del país. Conectaben en Villabona cola llinia Xixón-Llión. Darréu, la llinia foi utilizada por Ensidesa (Empresa Nacional Siderúrxica Sociedá Anónima) pa tresportar los sos productos dende'l so fornu n'Avilés. Los servicios de pasaxeros taben incluyíos na concesión orixinal. Nos años 70 y 80 hubo trenes Estrella Mariña Verde que conectaben San Juan y Avilés con Madrid, pela nueche. Estos trenes xunian n'Uviéu col tren procedente de Xixón, pero fueron suprimíos nel añu 1989, calteniéndose namái'l serviciu Estrella Madrid - Xixón.

Actualidá

Los trenes circulen de llunes a vienres con una frecuencia media de 30 minutos, y en festivos d'un tren per hora. El percorríu dura aproximao 40 minutos. De llunes a vienres y n'hores puntes, el tren tipu CIVIS, al nun parar en tolos apeaderos, retaya'l tiempu de viaxe ente Uviéu y Avilés a 30 minutos. La mayor parte de los trenes de la llinia C-3 siguen dende Uviéu a L'Entregu siguiendo la llinia de cercaníes C-2.

Referencies

Enllaces esternos

• Wikimedia Commons tien conteníu multimedia tocante a Llinia C-3 (Cercaníes Asturies).