lingua galega y galego
Faláu en
Faláu en	España y Portugal
Númberu de falantes
Falantes Tipu Añu 2 500 000
Datos
Familia	Subgrupu galaicu-portugués
Sistema d'escritura	alfabetu llatín
Reguláu por	Real Academia Gallega
Códigos
ISO 639-1	gl
ISO 639-2	glg
ISO 639-3	glg

Falantes de gallegu como primer llingua según los censos de polación y viviendes del Institutu Gallegu d'Estadística (2001)

Arees llingüístiques del gallegu

El gallegu (galego), ye una llingua románica, que desciende del llatín, y del galaicoportugués. Ye una llingua que tien el so orixe nuna parte de la provincia romana de Gallaecia, no que ye'l territoriu de la Galicia actual, el norte de Portugal y El Bierzu y Zamora. Tamién podría incluyise la fastera más occidental d'Asturies, teniendo en cuenta el calter de transición ente'l gallegu y l'asturianu d'estes fales occidentales asturianes, pa más información güeyar eonaviegu. El gallegu ye la llingua románica de la que te tien constancia escrito de más vieyo, xunto col italianu y anterior en más d'un sieglu al castellanu.^{[ensin referencies]} Conformó como llingua propia independiente del llatín nel sieglu IX no que ye la oralidá y nel sieglu XII na escritura.^{[ensin referencies]}

Foi la llingua de cultura na península ibérica na Edá Media, componiendo'l rei Alfonsu X el Sabiu, les sos «Cantigas de Santa María». Tres la independencia de Portugal l'idioma dixebróse en dos: el portugués, que pasó a ser la llingua vehicular del país, y el gallegu, que quedó arrequexáu como llingua popular ensin cultivu lliterariu dende finales del sieglu XV hasta'l sieglu XIX.

Anguaño'l gallegu ye faláu por cuasi trés millones de persones en Galicia, siendo cooficial (xunto col castellán). La normativa de la que se manden ye isolacionista respeutu al restu del dominiu llingüísticu gallegu-portugués.

Dende l'añu 1963, coincidiendo col centenariu de la primer edición de Cantares Galegos, de Rosalia de Castro (17 de Maio), celébrase ca 17 de mayu'l Día das Letras Galegas. Los años siguientes viense dedicando esta data a un escritor en gallegu fináu:

• 1963 Rosalía de Castro
• 1964 Alfonso Daniel Rodríguez Castelao
• 1965 Eduardo Pondal
• 1966 Francisco Añón Paz
• 1967 Manuel Curros Enríquez
• 1968 Florentino López Cuevillas
• 1969 Antonio Noriega Varela
• 1970 Marcial Valladares Nunes
• 1971 Gonzalo López Abrente
• 1972 Valentín Lamas Carvajal
• 1973 Manoel Lago González
• 1974 Xoán V. Viqueira Cortón
• 1975 Xoán Manuel Pintos Villar
• 1976 Ramón Cabanillas
• 1977 Antón Vilar Ponte
• 1978 Antonio López Ferreiro
• 1979 Manuel Antonio
• 1980 Alfonsu X, El Sabiu
• 1981 Vicente Risco
• 1982 Luis Amado Carvallo
• 1983 Manuel Leiras Pulpeiro
• 1984 Armando Cotarelo valledor
• 1985 Antón Losada Diéguez
• 1986 Aquilino Iglesia Alvariño
• 1987 Francisca Herrera Garrido
• 1988 Ramón Otero Pedraio
• 1989 Celso Emilio Ferreiro
• 1990 Luis Pimentel
• 1991 Álvaro Cunqueiro
• 1992 Fermín Bouza-Brei
• 1993 Eduardo Blanco Amor
• 1994 Luis Seoane
• 1995 Rafael Dieste
• 1996 Xesús Ferro Couselo
• 1997 Ánxel Fole
• 1998 Martim Codax, Joham de Cangas y Meendinho (en conxuntu, son autores de delles cantigues medievales)
• 1999 Roberto Blanco Torres
• 2000 Manuel Murguía
• 2001 Eladio Rodríguez
• 2002 Frei Martín Sarmiento
• 2003 Antón Avilés de Taramancos
• 2004 Xaquín Lorenzo Fernández
• 2005 Lorenzo Varela
• 2006 Manuel Lugrís Freire
• 2007 María Mariño Carou
• 2008 Xosé María Álvarez Blázquez
• 2009 Ramón Piñeiro
• 2010 Uxío Novoneyra
• 2011 Lois Pereiro
• 2012 Valentín Paz-Andrade
• 2013 Roberto Vidal Bolaño
• 2014 Xosé María Díaz Castro
• 2015 Xosé Filgueira Valverde
• 2016 Manuel María
• 2017 Carlos Casares
• 2018 María Victoria Moreno
• 2019 Antón Fraguas
• 2020 Ricardo Carballo Calero
• 2021 Xela Arias
• 2022 Florencio Delgado

Les asociaciones de reivincicación lingüística más importantes son:

• AGAL - Associaçom Galega da Língua
• MDL - Movimento de Defesa da Língua
• A Mesa - A Mesa pola Normalización Lingüística

Clasificación llingüística

• Indoeuropéu
  • Itálicu
    • Románicu
      • Románicu occidental
        • Iberorrománicu
          • Iberorrománicu occidental
            • Galaico-portugués
              • Gallegu

Ver tamién

• Eonaviegu

Referencies

Enllaces esternos

• Wikimedia Commons acueye conteníu multimedia sobre Idioma gallegu .
• Xarmenta - Asociacion Berciana da lingua Xarmenta
• Consulta la edición de Wikipedia n'idioma gallegu.