Lliga Celta d'Asturies

La Lliga Celta D'Asturies ye una organización cultural pancéltica que ñaz col envís d’afondar nel estudiu y espardimientu de los raigaños celtes asturianos, la cultura y la so identidá.

Esta asociación cuenta con dellos miembros especialistes en varies estayes de trabayu qu'estudien pola conocencia y la divulgación l'orixe cultural asturianu y el so venceyu celta.

Para la consecución d’estos oxetivos trabayen en dellos proyeutos y actividaes, como por casu:

– Creación d’un Fondu Documental para la investigación de socios y otres asociaciones.

- Publicación de la revista ASTOR na qu'asoleyen artículos sobro diversos campos de la cultura asturiana lo mesmo que de otres naciones celtes.

- Proyeutos de recuperanza de ceremonies o ritos, deportes tradicionales, xuegos…

– Contribuyir a la conocencia del patrimoniu cultural asturianu promoviendo visites empuestes a llugares d’interés como: xacimientos arqueolóxicos, museos, naturaleza, establecimientos gastronómicos; organización d’esposiciones con semeyes, indumentaria y armamentu de la Edá del Fierro, organización de charres, alderiques, muestres de llucha asturiana, seminarios, participación en festivales; participación n’eventos de recreación histórica de l’Edá del Fierro…

– Contautos con organizaciones y asociaciones pancéltiques d’otres naciones celtes promoviendo l’afitamientu d’Asturies como nación celta na Céltica europea.

– Espardimientu d’información venceyao a la cultura e identidá asturianes.

Referencies

Enllaces esternos

• Wikimedia Commons tien conteníu multimedia tocante a Lliga Celta d'Asturies.