Lleo
Abreviatura	Leo
Símbolu
Significáu	el lleón
Xenitivu	Leonis
Ascensión reuta	11 h
Declinación	15°
Visible pa llatitúes	Ente+90° y -65°
Meyor visible en/n'	abril
Númberu d'estrelles con magnitú aparente < 3	3
Estrella más rellumante  - Magnitú aparente	Regulus (α Leo) 1.4
Lluvia de meteoritos	Leonidi
Constelaciones que llenden	Osa Mayor Leo Minor Cáncer Hidra Sextans Cráter Virgu Coma Berenices

Lleo (Leo) ye una constelación del zodiacu; allúgase ente Cáncer al oeste y Virgo al este.

Carauterístiques

Esta constelación contién munches estrelles rellumantes, como Regulus (α Leonis) que ta señalada como'l corazón del lléón, Denébola (β Leonis) o Algiega (γ Leonis). Regulus, η Leonis y Algieba xunto a les débiles ζ Leonis, μ Leonis y υ Leonis; representa la tiesta y la clina del lleón. Por embargu, la cola del lleón ta representada por otra constelación, Coma Berenices.

Oxetos

Lleo contién munches galaxes rellumantes como M65, M66, M95 y M96.

Mitoloxía

Representa al lleón de Nemea que, na mitoloxía griega, Heracles tuvo de matar nún de los sos trabayos; asinamesmo los exipcianos adoraben esta constelación porque na so presencia nel cielu coincidía col periodu de mayor abondanza d'agua nel Nilu.

Representación medieval de Lleo

Astroloxía

Esta constelación ta asociada col signu de Lleo (23 de xunetu-22 d'agostu); rellaciónase col elementu del fueu xunto a Aries y Saxitariu.

Referencies

Enllaces esternos

• Wikimedia Commons tien conteníu multimedia tocante a Lleo.