| Llagunes de Nueva Caledonia | |
|---|---|
 | |
| Situación | |
| País | .svg.png.webp){kind=small} Francia |
| Territoriu dependiente |  Nueva Caledonia |
| Tipu | grupu d'oxetos |
| Coordenaes | 20°24′43″S 164°33′59″E / 20.4119°S 164.5664°E |
  Llagunes de Nueva Caledonia Llagunes de Nueva Caledonia (Océanu Pacíficu) | |
 Llagunes de Nueva Caledonia Llagunes de Nueva Caledonia (Nueva Caledonia) | |
| Datos | |
| Superficie | 1 574 300 ha y 1 287 100 ha |
 | |
| Patrimoniu de la Humanidá — UNESCO | |
|---|---|
|
Extremu norte de Grande Terra. | |
| Llugar |
 Francia( Nueva Caledonia) |
| |
El petón de Nueva Caledonia alcuéntrase en Nueva Caledonia nel Pacíficu Sur y ye'l segundu petón de coral en llargor del mundu, dempués de la Gran Barrera de Coral d'Australia.
La barrera de Nueva Caledonia arrodia Grand Terre, la islla más grande de Nueva Caledonia, según la Ile des Pins y delles islles menores, algamando un llargor de 1500 km. El petón zarra una llaguna de 24.000 km², que tien una fondura media de 25 metros. El petón queda a 30 quilómetros de la mariña, pero estiéndese casi 200 km hasta los petones d'Entrecasteaux nel noroeste. Esta estensión noroeste zarra les islles Belep y otros cayos arenosos. Dellos pasaxes naturales ábrense al océanu. El pasaxe Boulari, que lleva a Numea, la capital y puertu principal de Nueva Caledonia, ta marcáu pol faru Amedee.
El petón tien gran diversidá d'especies con un altu nivel de endemismu, y ye'l llar de los dugongos en peligru (Dugong dugon), y ye un importante llugar de nidificación para la tortúa verde (Chelonia mydas). Alluga unes 11.000 especies animales y 419 especies de petón, y foi incluyíu na llista del Patrimoniu de la Humanidá en 2008.[1][2]
La mayor parte de los petones créese xeneralmente que tán en bon estáu. Dalgunos de los petones orientales fueron estropiaos por emisiones de la minería de níquel en Grand Terre. La sedimentación de la minería, agricultura y llendo afectó a los relieves cerca de les desaguaes de los ríos, que foi empioráu pola destrucción de montes de mangle coloráu, qu'ayuden a retener el sedimentu. Dellos petones fueron soterraos so dellos metros de trolla.
Nes llagunes de Nueva Caledonia hai munches especies acuátiques que van dende'l plancton a grandes pexes o inclusive tiburones.
En xineru de 2002, el gobiernu francés propunxo incluyir los petones de Nueva Caledonia como un llugar Patrimoniu de la Humanidá na Unesco. Incluyéronla col nome de "The Lagoons of New Caledonia": Reef Diversity and Associated Ecosystems el 7 de xunetu de 2008.
Referencies
- ↑ Lagoons of New Caledonia: Reef Diversity and Associated Ecosystems. Entrada en la página de la Unesco. Acceso 29-04-2012 (en inglés).
- ↑ Los arrecifes de coral de Nueva Caledonia en la página del Museo de Historia Natural de Francia. Acceso 29-04-2012 (en francés).
Enllaces esternos
Wikimedia Commons acueye conteníu multimedia sobre Llagunes de Nueva Caledonia.
- Barrera de arrecifes de Nueva Caledonia (World Wildlife Fund)
- Arrecifes de Nueva Caledonia (French Coral Reef Society)
- Biodiversidad y minas de níquel en Kanaky/Nueva Caledonia (Mines and Communities Website)
Control d'autoridaes - Proyeutos Wikimedia
Datos: Q1330981- Multimedia: New Caledonian lagoon
- Patrimoniu históricu
- Patrimoniu de la Humanidá: 1115
- Datos: Q1330981
- Multimedia: New Caledonian lagoon