Llagu Janka
Situación
País	Rusia
Krais	Krai de Primorie
Tipu	llagu
Coordenaes	45°01′N 132°25′E / 45.02°N 132.42°E / 45.02; 132.42
Llagu Janka Llagu Janka (Rusia)
Datos
Altitú media	69 m
Superficie	4190 km²
Superficie de la conca	16 890 km²
Llonxitú	90 km
Fondura	10,6 m

El llagu Janka o Xingkai (rusu: о́зеро Ха́нка; chinu tradicional: 興凱湖, chinu simplificáu: 兴凯湖, pinyin: Xīngkǎi Hú) ye un gran llagu d'agua duce asiáticu alcontráu na frontera ente la provincia china de Heilongjiang y el krai de Primorie de Rusia. L'agua del llagu ye tan llimpia y el cielu d'esa rexón tan azul, qu'esti llagu ye conocíu como «la esmeralda del Norte».

Xeografía

El llagu tien una superficie de 4190 km², de los que 3030 km² pertenecen a Rusia. Les veres del llagu son pantanoses sacante nel noroeste. La cuenca hidrográfica del llagu tien una superficie de 168 90 km² (el 97% en Rusia). El llagu ye abastecíu por 23 ríos (8 na vera china y 15 na rusa), y el desaguadoriu del llagu ye'l ríu Songacha, que forma frontera ente China y Rusia, y tien un llargor de 180-210 km (tien un cursu bien meándrico, siendo difícil envalorar el so llargor). El llagu forma parte de la cuenca del ríu Ussuri, que, de la mesma, pertenez a la gran cuenca del ríu Amur. La so fondura media ye de 4,5 m (con un máximu de 10,6 m), el so volume ye de 18,3 km³ y ta asitiáu a una altitú de 69 m. El llagu estiéndese 90 km en direición N—S y 60 km Y—O.

La temperatura máximo añal ye de 21,2 °C y la mínima de —19.2 °C. Les precipitaciones danse principalmente nel branu, algamando los 750 mm añales.

El llagu alluga 60 especies de pexes y más de 450 especies de plantes precioses, siendo'l pinu del llagu Xingkai una especie única nel mundu. La reserva rusa de Jankaiskiy ye una reserva de la biosfera dende 2005 y dende 2007 la reserva china del llagu Xingkai. El Anser erythropus (una especie de gansu) ye una de les especies más destacaes qu'habiten nel llagu.

Una parte de la rexón rusa (3100 00 hectárees) foi declarada'l 11 d'ochobre de 1976 como «water and wetlands areas of international significance» ("área acuática y de güelgues de relevancia internacional") según el Conveniu de Ramsar (nᵘ ref. Ramsar 112).

Historia

El llagu Janka formóse dempués de la erupción d'un volcán, fai 6.800 años. Mientres el Neolíticu, desenvolvióse pela redolada del llagu'l pueblu balhae. Los antepasaos de los nuzhen y los manchúes vivíen nes sos veres. En idioma manchú «Xingkai» significa «l'agua que pasa de riba abaxo».

Referencies

Enllaces esternos

• Wikimedia Commons acueye conteníu multimedia sobre Llagu Janka.
• LakeNet profile (n'inglés)
• Ficha de la reserva de la biosfera rusa na web de la UNESCO (n'inglés)
• Ficha de la reserva de la biosfera china na web de la UNESCO (n'inglés)