Las Murias de Babia
Alministración
País España
Autonomía Castiella y Lleón
Provincia provincia de Lleón
Conceyu Cabrillanes
Tipu d'entidá entidá singular de población
Xeografía
Coordenaes 43°00′N 6°12′W / 43°N 6.2°O / 43; -6.2
Las Murias de Babia alcuéntrase n'España
Las Murias de Babia
Las Murias de Babia
Las Murias de Babia (España)
Altitú 1292 m
Cambiar los datos en Wikidata

Las Murias de Babia ye una llocalidá española perteneciente al conceyu de Cabrillanes (tradicionalmente conceyu de Babia Alta, de riba, o de Suso) na contorna de Babia, provincia de Lleón.

Vista panorámica de Las Murias de Babia.

Xeografía

Alcontráu na parte occidental lleonesa del Cordal Cantábricu. Atópase a un altor de 1.292 metros, na parte más baxa del valle de Llagu de Babia. Ye unu de los valles de menores dimensiones de Babia Alta, con menos de 5 km de llargor, que conflúi nel ampliu valle del río Lluna. Trátase d'un valle d'orixe glaciar, una caña llateral del antiguu glaciar del valle del Sil, la so cabecera foi disectada pola erosión del ríu Sil. Na so parte alta tien un tramu de valle muertu ocupáu parcialmente por una llaguna (Llaguna Grande o de Llagu de Babia). La zona de Las Murias presenta'l conxuntu morreico más completu rellacionáu col glaciar del Sil.[1]Forma parte de la Reserva de la Biosfera de Babia (Elementu de la RB Gran Cantábrica).

La peña “La Cresta” (2067m) ye la más destacable de les qu'arrodien al pueblu.[2][3] Nella ta la fonte de Michán, que les sos agües flúin de forma intermitente.

El pueblu ta bien tremáu y estrémase en dos barrios.

Toponimia

"Muria" tien el significáu de "paré"; el plural "muries" alude a restos de construcciones derruidas, o a fai referencia a montoneres de cantares que s'asitien nes tierres de llabranza pa delimitar los terrenes.[4]

Historia

Na dómina medieval, según dellos historiadores, esistió una ermita na paraxa denominada “Los Oteros”.[5]

Na actualidá namái s'atopa la Ilesia Parroquial de San Mamés, documentada dende 1767, pero posiblemente construyida a finales del sieglu XV o principios del XVI. Cabo destacar que la ilesia permaneció en mala traza bona parte de la so historia. Sufre una fonda remodelación nos años sesenta que lu quita de los sos retablos y puerta d'entrada orixinales. Na actualidá tien cobertoria de fibrocemento, que ruempe cola sintonía d'otres ilesies de la zona.[5]

Na década de los ochenta produciéronse más de la metá de los robos y furtos d'arte relixoso denunciaos en trenta años na provincia de Lleón. En 1982, la Ilesia de San Mamés sufre'l robu de dos motes, un copón, dos patenas y una custodia de plata.[6]

Población

Evolución demográfica[7]
2000 2001 2002 2003 2004 2005 2006 2007 2008 2009 2010 2011 2013
30 30 28 26 23 23 22 25 25 23 28 36 30

Referencies

  1. ↑ «GUÍA DE CAMPO: PATRIMONIO GEOLÓGICO EN LAS RESERVAS DE LA BIOSFERA DEL VALLE DE LACIANA Y DE BABIA (LEÓN)». Avances y retos en la conservación del Patrimonio Geológico en España. Actas de la IX Reunión Nacional de la Comisión de Patrimonio Geológico (Sociedad Geológica de España). (2011).
  2. ↑ Instituto Geográfico Nacional (ed.): «Las Murias de Babia». Archiváu dende l'orixinal, el 26 de payares de 2015.
  3. ↑ Ayuntamiento de Cabrillanes (ed.): «Las Murias».
  4. ↑ García Arias, Xose Lluis. «Toponimia asturiana: murias». Prensa Asturiana.
  5. 1 2 Macías, J.. Escuela Politéunica Universidad de Extremadura (ed.): «LA ARQUITEUTURA RURAL RELIGIOSA EN EL ARCIPRESTAlGO DE BABIA DE SUSO».
  6. ↑ Diario de León (ed.): «Los casos más importantes» (16 d'agostu de 2011).
  7. ↑ Instituto Nacional de Estadística (ed.): «Rellación de unidades poblacionales Las Murias de Babia».
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.