La Armuña
Alministración
País España
Autonomía Castiella y Llión
Provincia Provincia de Salamanca
Tipu d'entidá comarca d'España
Xeografía
Coordenaes 41°04′30″N 5°35′19″W / 41.0751°N 5.5885°O / 41.0751; -5.5885
Superficie 700.47 km²
Demografía
Población 26 697 hab. (2010)
Densidá 38,11 hab/km²
Cambiar los datos en Wikidata

La Armuña ye una fastera histórico-tradicional española allugada nel noreste de la provincia de Salamanca, n'antigua Rexón de Lleón, güei la comunidá autónoma de Castiella y Lleón.[1]

El nome d'esta comarca vien del árabe significando la güerta. La mayoría del tarrén destínase a usos agrícoles per aciu'l cultivu de cereales y llegume, destacando la llenteya de La Armuña que tienen la so propia Denomación d'Orixe.

Historia

Les primeres referencies esistentes a La Armuña daten del sieglu X demientres les repoblaciones, siendo nomada pela primer vegada con esti nome en documentos rellativos a les campañes d'Almanzor nel 980. Enantes, nel 939, tres la victoria de Ramiru II na batalla de Simancas, la presencia cristiana escomenzó a notase pesie los ataques musulmanes, al aniciase la repoblación de la zona con asturianos, llioneses, cántabros, vasco-navarros y rioxanos...

Nel reináu d'Alfonsu VI (1072-1109) entama a asentase la llende colos musulmanes y el rei encarga a Raimundo de Borgoña, so xenru, empobinar la repoblación de la zona, la cual siguió demientres el reináu d'Alfonsu VII (1126-1157). Pela repoblación los unviaos del rei yeren los encargaos de distribuyir la tierra. La prollongada repoblación permitió que los pobladores de La Armuña tuvieren estremaes procedencies.

Pela Edá Media, el Cabildu de la Catedral de Salamanca foi adquiriendo tierres dando orixe al Abadengu de La Armuña, que yera un señoríu perteneciente al Cabildu de la Catedral, y taba formáu por Arcedianu, La Vellés, Negrilla, Palencia de Negrilla, Carbajosa y La Mata, pero la so formación supunxo una riestra de pleitos col Conceyu de Salamanca, que quería recuperar la so xurisdicción. Amás d'estes llocalidaes el cabildu foi adquiriendo más tierres de La Armuña progresivamente, y tamién aumentaron les donaciones debío a la Peste Negra qu'asoló Europa ente 1347 y 1350. Desapaicieron poblaciones pequeñes y s'esperimentó un aumentu de la relixosidá.

Yá a finales de la Edá Media y fasta'l sieglu XVIII la población en La Armuña foi decreciendo paulatinamente, nestos años numberosos pueblos foron despoblándose convirtiéndose en deveses y alqueríes. El motivu taba nel desplazamientu de población, abandonaben les sos llocalidaes y se marchaben a otros conceyos. Carlos III trató de sopiar la situación cola creación en 1769 d'una Xunta de Repoblación, la cual fracasó y terminó por desapaecer en 1801.

Referencies

  1. ↑ Llorente Maldonado, Antonio (1976). «Les comarques hestóriques y actuales de la provincia de Salamanca». Centru d'Estudios Salmantinos.

Enllaces esternos

This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.