Koryu (古流, koryū) ye una pallabra xaponesa venceyada al ámbitu de les artes marciales xaponeses antigües. Esta pallabra tórnase lliteralmente a “vieyu estilu”, de古 "ko" (antiguo, vieyo) y 流 ryū (escuela, estilu); o tamién a "escuela tradicional" Koryu ye un términu xeneral pa escueles xaponeses d'artes marciales anteriores a la Restauración Meiji (el periodu ente 1866 y 1869 cuando biltaron importantes cambeos sociopolíticos que llevaron a la modernización del Xapón). Anque nun hai data oficial d'aniciu, dase davezu la de 1868, el primer añu del periodu Meiji, o la de 1876, cuando se dictó l'edictu Haitorei que prohibía llevar espaes en públicu.[1]

Los sistemes xaponeses de budo posteriores a la Restauración Meiji conócense como shinbudo o gendai budo. Ente los más conocíos tán el yudu, kendo modernu, iaido y aikido. Los sistemes koryu de les artes marciales xaponeses inclúin de cutiu téuniques de llucha con y ensin armes. Normalmente apriéndense estremaes armes a los estudiantes d'estos antiguos sistemes.

Kobudo

Kobudo (古武道) ye un términu xaponés que pue traducise como "vía marcial antigua." Antaño conocíase como Kobujutsu ("arte marcial antiguu"), pero cuando les artes marciales principiaron a prauticase xeneralmente por otres razones que les puralmente práutiques, conozse agora más como Kobudo. Dientro Xapón pue referise a cualquier arte marcial tradicional y ye sinónimu de Koryu. Pero nun hai que confundir esti Kobudo col Kobudo d'Okinawa.[2][3]

Otome ryu

Nel periodu feudal de la historia xaponesa, munches escueles koryu foron la otome ryū (lliteralmente, "lo que fluye pero queda en casa") d'un determináu dominiu han. Ser una otome ryū acarrexaba qu'al so cabezaleru-y tocaba un xornal n'arroz del koku (una unidá de midida usada pa calcular ingresos n'arroz y pa midir la bayura relativa d'un han) total del han a cambéu d'entrenar a los samuráis del dominiu. Sicasí había esceiciones a la fundación por un han en concreto, y munchos ryu o nunca foron sofitaos por un han o fóronlo solo en parte. Por exemplu a la Tenshin Shōden Katori Shintō-ryū encontábenla solo les donaciones de los bushi de la fastera y nunca tuvo venceyada a un dominiu específicu. Igualmente la Maniwa Nen-ryū foi fundada y encontada polos granxeros nativos del pueblo de Maniwa na Prefeutura Gunma, col envís de protexer el pueblu. Un tercer exemplu ye la Kashima Shin-ryū, que recibió’l nome d'un famosu santuariu Shinto y que sacaba fondos pa encontase de los impuestos sobre les actividaes venceyaes a les tierres posiaes o controlaes pol templu, asina como de sirvir de guardies hereditarios del santuariu Kashima. Poro estos tipos d'alcuerdos permitíen a los cabezaleros de les escueles dedicase ensembre a enseñar, mientres facíen estremaos servicios a los proteutores de la escuela.

Solamente cola Restauración Meiji estos cuasi 500 años d'alcuerdos empecipiaron a acabase y dellos cabezaleros d'escueles tuvieron que buscar otros medios de vida. Enseñar los sos ryu al públicu en xeneral foi solamente una de les principales opciones. Anguaño los maestros xefe d'un koryu o d'una escuela de kenjutsu gánense la vida enseñando’l so arte, pero cola so devoción garanticen que les sos artes siguen puxando unes cuantes xeneraciones.

Llista de los principales koryu

La siguiente llista nun ta completa; solamente inclúi les escueles llexítimes más conocíes:

  • Araki-ryū
  • Asayama Ichiden-ryū
  • Higo Ko-ryū
  • Hoki-ryū
  • Hokushin Itto-ryū
  • Hontai Yoshin-ryū
  • Hōzōin-ryū
  • Isshin-ryū (Nun confundir col estilu Isshin-ryu de kárate)
  • Kage-ryū
  • Kashima Shinden Jikishinkage-ryū
  • Kashima Shin-ryū
  • Kashima Shinto-ryū
  • Kogen Itto-ryū
  • Kurama-ryū
  • Maniwa Nen-ryū
  • Mizoguchi-ha Itto-ryū
  • Mugai-ryū
  • Musō Jikiden Eishin-ryū
  • Musō Shinden-ryū
  • Ono-ha Itto-ryū
  • Owari Kan-ryū
  • Sekiguchi Shinshin-ryū
  • Shingyoto-ryū
  • Shinkage-ryū
  • Shinmuso Hayashizaki-ryū
  • Shinto Muso-ryū
  • Shojitsu Kenri Kataichi-ryū
  • Sosuishitsu-ryū
  • Suiō-ryū Iai Kenpō
  • Takamura ha Shindo Yoshin Ryu
  • Takenouchi-ryū
  • Tamiya-ryū
  • Tatsumi-ryū
  • Tendo-ryū
  • Tenjin Shinyo-ryū
  • Tennen Rishin-ryū
  • Toda-ha Buko-ryū
  • Uchida-ryū
  • Yagyu Seigo-ryū
  • Yagyu Shingan-ryū
  • Yagyu Shinkage-ryū
  • Yoshin-ryū

Referencies

  1. ↑ Skoss, Diane (9 May 2006). «A Koryu Primer». Koryu Books.
  2. ↑ Draeger, Donn F. (1974): Modern Bujutsu & Budo - The Martial Arts and Ways of Japan. Weatherhill. New York. USA. Page 135.
  3. ↑ Draeger, Donn F. (1974): Japanese-English Dictionary of Kendo. All Japan Kendo Federation. Tokyo. Japan. 2000. Page 52.

Enllaces esternos

Ver tamién

This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.