| Kiss | ||
|---|---|---|
 | ||
| Datos xenerales | ||
| Orixe | Nueva York, Estaos Xuníos | |
| Información artística | ||
| Xéneru(os) | Hard rock, Glam metal, Heavy metal | |
| Periodu d'actividá | 1973 - presente | |
| Sellu discográficu | Casablanca, Mercury, Universal, Roadrunner | |
| Miembros | ||
| Paul Stanley, Gene Simmons, Eric Singer, Tommy Thayer, Ace Frehley, Peter Criss, Eric Carr, Eric Singer y Eric Singer | ||
| Enllaces esternos | ||
| Sitiu web oficial | https://kissonline.com | |
| Discogs | 153073 | |
| KISS | ||
| kiss | ||
| IMDb | nm1653348 | |
| [editar datos en Wikidata] | ||
Kiss ye una banda d'Estaos Xuníos de Rock formada en Nueva York en 1973 pol baxista Gene Simmons y el guitarrista Paul Stanley, a los que más tarde xuniríense el batería Peter Criss y el guitarrista Ace Frehley.
Historia
Conocíos pol so maquillaxe facial y los sos estravagantes traxes, el grupu diose a conocer al públicu a mediaos de los años 1970s, gracies a les sos actuaciones en direutu, nes qu'incluyíen pirotecnia, fogarales, cañones, bateríes elevadores y guitarres con fumu. Cuntando los álbumes en solitariu de 1978, Kiss consiguió ventiocho discos d'oru de la RIAA, y vendió más de cien millones d'álbumes en tol mundu y venti millones namái nos Estaos Xuníos.
Los miembros de Kiss asumieron personalidaes acordes colos maquillaxes y vistimienta que llevaben, asina Simmons asumió'l rol de «The Demon», Stanley el de «Starchild», Criss el de «Catman» y Frehley el de «Space Ace» o «Spaceman». Los sos trés primeros álbumes d'estudiu apenes tuvieron repercusión, y tuvo que ser col llanzamientu de Alive! (1975), un discu en direutu, que la banda consiguiera fama y popularidá. Los sos siguientes trabayos, ente los que destaquen Destroyer (1976) y Love Gun (1977), aumentaron la popularidá del grupu y consiguieron delles certificaciones de discu de platín.
Dempués de que cada miembru de la banda publicara un álbum en solitariu, en 1978, y d'una película, les tensiones dientro del grupu aumentaron, lo que causó la marcha de Criss y más tarde Frehley. Tres la salida de dos de los sos miembros fundadores (Eric Carr y Vinnie Vincent reemplazaron a Criss y Frehley, y asumieron les personalidaes de «The Fox» y «The Wiz», respeutivamente) y l'édición d'álbumes que nun tuvieron el númberu de ventes esperaes, como Music From «The Elder» (1981) y Creatures of the Night (1982), Kiss decidió abandonar el maquillaxe y empobinar el so estilu musical escontra'l Glam metal, xunto al guitarrista Bruce Kulick, a lo llargo de los años 80s.
Na década de 1990 prodúxose la xunta cola formación orixinal y el maquillaxe, anque na siguiente década Frehley y Criss volvieron dexar la banda. Simmons y Stanley decidieron siguir col batería Eric Singer y el guitarrista Tommy Thayer, utilizando los maquillaxes de «Catman» y «Spaceman», respeutivamente.
Discografía
- Kiss (1974)
- Hotter Than Hell (1974)
- Dressed to Kill (1975)
- Alive! (vivu, 1975)
- Destroyer (1976)
- Rock and Roll Over (1976)
- Love Gun (1977)
- Alive II (vivu, 1977)
- Paul Stanley (solo, acreditáu como Kiss, 1978)
- Gene Simmons (solo, acreditáu como Kiss, 1978)
- Ace Frehley (solo, acreditáu como Kiss, 1978)
- Peter Criss (solo, acreditáu como Kiss, 1978)
- Dynasty (1979)
- Unmasked (1980)
- Music From «The Elder» (1981)
- Creatures Of The Night (1982)
- Lick It Up (1983)
- Animalize (1984)
- Asylum (1985)
- Crazy Nights (1987)
- Hot in the Shade (1989)
- Revenge (1992)
- Alive III (vivu, 1993)
- MTV Unplugged (vivu, 1996)
- Carnival of Souls: The Final Sessions (1997)
- Psycho Circus (1998)
- Kiss Symphony: Alive IV (vivu, 2003)
- Sonic Boom (2009)
- Monster (2012)
Miembros actuales
- Gene Simmons (baxu, voz)
- Paul Stanley (voz, guitarra)
- Tommy Thayer (guitarra, voz)
- Eric Singer (batería, voz)
Referencies
Referencies
Enllaces esternos
Wikimedia Commons acueye conteníu multimedia sobre Kiss.
