Kiko Rivera
Vida
Nacimientu Sevilla, 9 de febreru de 1984[1] (40 años)
Nacionalidá España
Familia
Padre Francisco Rivera Pérez
Madre Isabel Pantoja
Hermanos/es
Familia
Estudios
Llingües falaes castellanu
Oficiu socialite
Seudónimu/os Kiko Rivera
Cambiar los datos en Wikidata

Francisco José Rivera Pantoja (9 de febreru de 1984, Sevilla), conocíu como Kiko Rivera o más popularmente como Paquirrín, ye un personaxe mediáticu d'España[2]. Nun principiu debió la so fama a ser fíu de la famosa cantante Isabel Pantoja y el toreru Francisco Rivera, Paquirri (del que heredó'l diminutivu), pero col pasu del tiempu convirtióse nun personaxe famosu poles sos propies apaiciones na prensa rosa y programes de televisión.[3]

Biografía

Kiko Rivera nació nuna familia bien popular n'España. Foi l'únicu fíu de la pareya compuesta por Paquirri, un de los toreros más populares de los años 80, y l'actriz y cantante Isabel Pantoja, considerada la principal artista del xéneru conocíu como cantar español, y que se casaron en 1983. Francisco Rivera tenía dos fíos del so anterior matrimoniu con Carmen Ordóñez: los a posteriori toreros Francisco y Cayetano Rivera Ordóñez.

El 26 de setiembre de 1984, y cuando Kiko cuntaba namás con 7 meses d'edá, Paquirri finó mientres el treslláu dende la plaza de toros de Pozoblanco (Córdoba), onde recibiera una cornada mortal per parte del toru Avispado mientres una corrida.[4] Esti fechu marcaría pa siempres la imaxe de Kiko Rivera, conocíu dende neñu por Paquirrín. La so imaxe y la de la so madre pasaríen a ser portada de les revistes del corazón del país (enantes de cumplir un añu foi portada de la revista ¡Hola!) sobremanera arriendes de la apaición del pequeñu nel escenariu nun de los conciertos d'Isabel Pantoja cantando unes estrofes xunto a la so madre.[5] Esti tipu de situaciones llevaron darréu a la cantante a denunciar públicamente l'acosu mediáticu al que foi sometíu dende neñu.[6]

La so afición al fútbol llevólu a realizar una prueba pa intentar aportar a les seiciones inferiores del Real Madrid, ayudáu pola amistá cola so familia de Ramón Calderón, pero nun consiguió la so incorporación.[7]

Referencies

  1. ↑ Afirmao en: Discogs. Identificador Discogs d'artista: 3447248. Apaez como: Kiko Rivera. Data de consulta: 9 ochobre 2017. Llingua de la obra o nome: inglés.
  2. ↑ 20 minutos. «Los 20 protagonistas del 'cuore' 2009» (castellanu). Consultáu'l 9 de xineru de 2010.
  3. ↑ Terra. «Kiko Rivera, simpático, juerguista y todo un conquistador» (castellanu). Consultáu'l 9 de xineru de 2010.
  4. ↑ Informativos Telecinco. «'Paquirri', a venti años de su muerte» (castellanu). Consultáu'l 9 de xineru de 2010.
  5. ↑ Protestante Digital. «Desmontando a Paquirrín en `Sé lo que hicisteis…´» (castellanu). Consultáu'l 9 de xineru de 2010.
  6. ↑ El Economista. «La Sexta desmonta a 'Paquirrín' y le hace monologuista» (castellanu). Consultáu'l 9 de xineru de 2010.
  7. ↑ Telecinco. «Ramón Calderón defendió en 1993 la memoria de Paquirri en La Máquina de la Verdad» (castellanu). Consultáu'l 9 de xineru de 2010.

Enllaces esternos

This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.