Kesva an Taves Kernewek (n'asturianu: "Conceyu de la Llingua Córnica"), ye una sociedá fundada en 1967 pola resolución del Gorsedh Kernow ("Asamblea los Bardos de Cornualles") y la Unyans Kowethasow Kernow Goth ("Xunión de Sociedaes del Vieyu Cornualles") pa continuar la promoción del córnicu que hasta aquel añu desendolcaran estes dos asociaciones. Esti conceyu cunta con representantes del gobiernu de Cornualles, de les dos sociedaes fundadores y de la Universidá de Plymouth.

Ente otres xeres, la Kesva an Taves Kernewek da información sobro'l movimientu de la dasserghans an yeth o resurdimientu de la llingua córnica. Tamién organiza cursos, fai esámenes en cooperación col Comité Llocal d'Educación y espubliza llibros, gramátiques, diccionarios y otres obres de referencia.

La so constitución foi reformada en 1982 y ta formada por 21 miembros:

  • 15 escoyíos por Kowethas an Yeth Kernewek
  • 2 del Gorseth Kernow
  • 2 de la Federación d'Antigües Sociedaes de Cornualles
  • 1 del Cornwall County Council
  • 1 de la Universidá de Plymouth

En 1987 votó l'adopción del Kernewek Kemmyn pal córnicu estandarizáu.

This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.