Kathryn Bigelow
Vida
Nacimientu	San Carlos (es) , 27 de payares de 1951[1] (72 años)
Nacionalidá	Estaos Xuníos [2]
Familia
Casada con	James Cameron (1989 – 1991)
Estudios
Estudios	Universidá de Columbia San Carlos High School (en) San Francisco Art Institute (en) Columbia University School of the Arts (en) Escuela secundaria Sunny Hills (es)
Llingües falaes	inglés[3]
Oficiu	guionista, direutora de cine, productora de cine, escritora, productora executiva, realizadora
Trabayos destacaos	Near Dark The Hurt Locker
Premios	ver Premios del Sindicato de Directores National Board of Review Award a la meyor película BAFTA al meyor direutor Óscar a la meyor película  (2010) : The Hurt Locker Óscar al meyor direutor  (2010) : The Hurt Locker Dallas-Fort Worth Film Critics Association Award for Best Director  (2012) : Zero Dark Thirty[4]
Nominaciones	ver Óscar al meyor direutor (2 febreru 2010): The Hurt Locker Óscar a la meyor película (2 febreru 2010): The Hurt Locker Óscar a la meyor película (10 xineru 2013): Zero Dark Thirty
IMDb	nm0000941

Kathryn Ann Bigelow (San Carlos, California, 27 de payares de 1951), más conocida como Kathryn Bigelow, ye una direutora de cine, guionista y productora d'Estaos Xuníos, especialmente conocida por películes como Near Dark, Point Break y, la ganadora de seis Óscar, The Hurt Locker. Ye la primer y única muyer na historia que ganó l'Óscar al meyor direutor y el premiu al meyor direutor ("Directors Guild of America Award for Outstanding Directing–Feature Film") del Sindicatu de direutores d'Estaos Xuníos; dambos por The Hurt Locker.

Obra como cineasta

Nació en San Carlos, California, fía d'un directivu d'una empresa de pintures y una bibliotecaria. Estudió na Universidá de Columbia, empezó la so carrera artística como pintora y dalgunes de les sos obres fueron espuestes nel Whitney Museum de Nueva York. Foi miembru del grupu radical Art and Language y editó la revista teórica Semiotext. Tamién foi axente de policía antes de dedicase al cine.

Kathryn Bigelow ta considerada como una direutora atípica, pos les sos temes d'interés pertenecen al cine d'aición, bien sía bélicu, futurista, thriller y, inclusive, de terror. Les sos películes non siempres tuvieron el beneplácito de la crítica.

Bigelow llogró reconocencia en 1987 col filme de terror Neared Darkess (Los Viaxeros de la Nueche). Dempués, en 1991 dirixe Point Break (Llámenlu Bodhi) protagonizada por Patrick Swayze y Keanu Reeves, cola que tuvo ésitu tantu de crítica como de públicu.

Ente 1995 y 2002, Kathryn Bigelow realizó tres películes: Strange Days, El pesu de l'agua y K-19 , onde dirixó a dalgunos de los actores más importantes de Hollywood, como Harrison Ford, Sean Penn, Juliette Lewis, Liam Neeson y Ralph Fiennes.

Tuvo casada con James Cameron dende 1989 hasta 1991, y con él formó pareya artística en delles películes.

Ganó'l premiu Óscar a la meyor direutora en 2010 por The Hurt Locker, siendo la primer muyer (y única hasta'l momentu) en ganar nesti xéneru. El filme tamién se llevó'l Óscar como meyor película.

Filmografía

• 1983 The Loveless, con Willem Dafoe.
• 1987 Near dark (Los Viaxeros de la Nueche).
• 1990 Blue Steel, con Jamie Lee Curtis.
• 1991 Point Break, con Patrick Swayze y Keanu Reeves.
• 1995 Strange Days, con Ralph Fiennes, Angela Bassett, Juliette Lewis y Tom Sizemore.
• 2000 El pesu de l'agua, con Sean Penn, Elizabeth Hurley y Sarah Polley.
• 2002 K-19, con Harrison Ford y Liam Neeson.
• 2009 The Hurt Locker
• 2012 La nueche más escura
• 2017 Detroit

Escribió los guiones de The Loveless, Near dark y Blue Steel. Amás, produció los sos trés últimes películes K-19 , The Hurt Locker y Zero Dark Thirty.

Premios

Premiu Óscar:

Premios BAFTA:

Premiu Globu d'Oru:

Gremiu de direutores d'América:

Referencies

Enllaces esternos

• Wikimedia Commons tien conteníu multimedia tocante a Kathryn Bigelow.
• Kathryn Bigelow na Internet Movie Database (n'inglés)