La so eleición nel Draft (1985)

Foi escoyíu na decimotercer posición del Draft de la NBA de 1985 por Utah Jazz,^[9] pero la so eleición y posterior contratación nun foi senciella. El xefe de ojeadores de los Jazz, Scott Layden y l'entós entrenador asistente Jerry Sloan embaraxaben una serie de nomes pa un puestu tan baxu como'l 13 nel draft, xente como Bill Wennington, Charles Oakley o Terry Porter, pero pocu antes del día de la eleición supieron de les habilidaes d'un xugador proveniente d'una conferencia menor, la Southland, pero práuticamente refugar dando por fechu que los Washington Bullets, qu'escoyíen nel puestu 12, adelantraríase-yos. Amás, hubo un pequeñu conflictu col axente de Malone, una y bones ésti consideraba a los Jazz como malos pagadores, tres el discutiniu amenáu un añu antes con Adrian Dantley y el so axente, pero un tornéu celebráu en Dallas ente profesionales y amateurs acabó estenando toles duldes: el xugador fixo 18 puntos y coyó 13 rebotes teniendo en frente a otru xugador del so mesmu apellíu, Moses Malone, fechu que finalmente decantaría la so eleición.^[10] El fechu de que xugadores como Benoit Benjamin, Jon Koncak, Joe Kleine o Ed Pinckney fueren escoyíos primero que él demuestren l'escasu interés de munchos equipos por xugadores d'universidaes pequeñes como Luisiana Tech.^[11]

Un equipu en redol a Malone (1986-1992)

Malone colos Utah Jazz

La so llegada a la lliga confirmó les esperances depositaes nél. Na so primer temporada permedió 14,9 puntos, 8,9 rebotes y 2,9 asistencies por partíu xugando como titular en 76 de los 81 partíos qu'apostó,^[12] lo que-y supunxo ser incluyíu nel meyor quintetu de rookies de la NBA meyor quintetu de rookies.^[13]

Los Jazz de Stockton y Malone (1992-1998)

Nos Jazz formó pareya cola base John Stockton, xunto a quien formó unu de los duos que meyor interpretó'l pick and roll. Karl Malone llegó a xugar nos playoffs en caúna de les sos 19 temporaes. Llegó a xugar dos finales consecutives, en 1997 y 1998, pero nun pudo llegar a consiguir l'aniellu de campeón por cuenta que'l so equipu perdió colos Chicago Bulls de Michael Jordan y Scottie Pippen.

La decadencia (1998-2003)

Tres el lockout, Malone llogró'l so segundu MVP pero'l so equipu foi esaniciáu en segunda ronda de playoffs por Portland Trail Blazers, los Jazz yá nun volveríen ser serios candidatos al títulu. Magar que los Jazz baxaron les sos prestaciones col pasu del tiempu, el rendimientu de Malone siguió siendo escelente, con 25.5, 23.2, 22.4 y 20.6 puntos per partíu nos cuatro socesives temporaes. La temporada 2002-03, Malone quedó como segundu máximu anotador de la historia de la NBA, superando a Wilt Chamberlain y quedando detrás de Kareem Abdul-Jabbar con 38.374 puntos.

Retirada nos Lakers

En 2003, tres la retirada del so compañeru d'equipu y amigu John Stockton, Karl Malone decidió dexar l'equipu en busca del aniellu de campeón. Pa ello decidió fichar por Los Angeles Lakers, equipu nel que coincidió con Kobe Bryant, Shaquille O'Neal, Gary Payton (dando llugar a los llamaos "cuatro magníficos") y l'entrenador Phil Jackson (ganador de 6 aniellos colos Bulls nos 90). Como'l so dosal nos Jazz, el 32, fuera retiráu n'honor a Magic Johnson, Malone escoyó llevar el 11, númberu que portaba davezu cola seleición nacional d'Estaos Xuníos.

Pero nun tuvo l'ésitu esperáu, pasó gran parte de la temporada con problemes de mancadures. Tres un gran esfuerciu llegar a les esperaes finales onde, los Detroit Pistons ganaron a los Lakers, perdiendo asina la posibilidá del aniellu. Por cuenta de les sos mancadures de rodía y los sos alcontrones con Kobe Bryant, una de les principales figures del equipu, Malone decidió nun anovar el so contratu.

En febreru de 2005, y yá con Malone como axente llibre, se rumoreó que podría recalar en San Antonio Spurs, pocos díes dempués, el 13 de febreru de 2005, na cortil de los Utah Jazz, Malone anunció la so retirada del baloncestu tres 19 temporaes como profesional.

Etapa post-retiru

El 23 de marzu de 2006, los Jazz retiraron la mítica camiseta de Malone col númberu 32. Tamién s'asitió una estatua de bronce a tamañu natural na entrada del Energy Solutions Arena, xunto a otra del so gran compañeru y amigu John Stockton.