_Godzilla_vs_Anguirus.jpg.webp)
Kaiju (怪獣 kaijū?) ye una pallabra xaponesa que significa bestia rara o bestia xigante. Magar qu'en Xapón s'usa pa referise a cualesquier monstruu xigante, n'occidente gástase en sentíu estrictu pa referise a los monstruos nacíos nel xéneru xaponés del tokusatsu, nel manga o l'anime, y nun sentíu más ampliu pa los d'otres hestories que tienen un aldéu a ellos, especialmente por ser d'un tamañu escomanáu (más altos que munchos edificios).
L'orixe d'estos monstruos ye bien variáu, pudiendo ser criaturas antediluvianes, mutantes radiactivos, estraterrestres o pobladores de la tierra güeca. Anque suelen apaecer destruyendo ciudaes, nun siempre son malvaos, sinón qu'abondos d'ellos a menudu actúen como guardianes de la Tierra. Davezu engárriense ente ellos o con robós xigantes denomaos mekes, y dacuando resulta difícil estremar la llinia ente unos y otros por haber amiestos a mou de cyborgs.
El kaiju más famosu ye Godzilla, y munchos como Mothra, Anguirus, Rodan o King Ghidorah aparecieron la primer vegada nes películes d'esti o pronto pasaron a ser recurrentes nelles.
El cine norteamericanu produz anguaño grandes superproducciones que perpuen considerase de kaiju por beber enforma de la tradición xaponesa, como son exemplos Pacific Rim o les películes del Monsterverse.
Ver tamién
- Gamera
- Godzilla
- Kamen Rider
- Llista de kaijus
- Meka
- Monsterverse
- Pacific Rim
- Power Rangers
- Super Sentai
- Tokusatsu
- Ultraman (tokusatsu)
Wikimedia Commons tien conteníu multimedia tocante a kaijus.
Referencies
Enllaces esternos
- Wikimedia Commons tien conteníu multimedia tocante a Kaiju.
