Julia en la onda
Datos
Xéneru	magacín d'actualidá
País d'orixe	España
Emisión
Julia Otero
Emisión
Emisora	Onda Cero
Varios
Web oficial

Julia en la onda ye un programa de radio, tamién conocíu pol so acrónimu JELO, estrenáu en 2007 por Onda Cero y presentáu pola periodista Julia Otero.

Formatu

El programa ocupa la franxa de 15:00 a 19:00. L'espaciu entama con un repasu a l'actualidá xunto al periodista Rafael Noblejas y dempués, les noticies con humor cuntaes por Oriol Parreño y Marina Martínez. Ferrán Monegal fai un repasu a la televisión.

Julia Otero recupera pa la so última hora una de les seiciones más conocíes de la so anterior etapa n'Onda Cero El gabinete. Na tertulia namás repite Juan Adriansens. El restu son nueves incorporaciones como Ángeles Durán, Juan Manuel de Prada, Antón Reixa, Montserrat Nebrera, Arcadi Espada, Begoña Aranguren, Xavier Sala i Martín, Espido Freire, Pilar Rahola, Antonio Zoido Naranjo, Jorge Wagensberg, Alfredo Urdaci y Elisa Beni.

Na segunda temporada de Julia en la Onda (2008-2009), salieron del gabinete Alfredo Urdaci, Xavier Sala i Martí y María Ángeles Durán ya ingresaron Isabel Tocino, qu'apenes duró un mes, y Jesús María de Miguel. Recuperó amás la seición L'epílogu, que nun llegó a cuayar.

Estrenóse la seición d'humor La rabiosa actualidá con David Cervelló, Guillem Zaragoza, Oriol Parreño y Judit Martín.

Na tercer temporada abandonen el gabinete (2009-2010) Juan Manuel de Prada, Begoña Aranguren, Antonio Zoido Naranjo y José Antonio Labordeta. El gabinete, en setiembre del 2009, ta formáu por Fernando Sánchez Dragó, Juan Adrianséns, Elisa Beni, Jorge Wagensberg, Pilar Rahola, Jesús de Miguel, Julián Casanova ya incorpórense Celia Villalobos, Alejo Vidal Quadras, Nacho Vigalondo, Inés Ballester y Najat Al Achmi.

Na temporada 2012-2013 añádese una nueva seición a les 17:00 hores llamada Con un par, con Máximo Pradera y Antonio Naranjo. La desavenencies ente dambos faen qu'a mediaos de la temporada siguiente tengan que ser sustituyíos por Melchor Miralles y Antonio Baños.

Na temporada 2014-2015 el programa articúlase de la siguiente manera:

• La tele con Ferrán Monegal;
• Mesa de redaición con trés integrantes de la redaición del programa que s'alternen: Guillem Zaragoza, Marina Martínez Vicens, Nuria Torreblanca, Goyo Martínez y Aneyma León (mientres los dos últimos meses de la temporada sustituyida por Aloña Fernández Larrechi por maternidá) Amás, tenía como convidaos a la redaición: los llunes a Héctor Fernández (deportes), los martes a Joana Bonet (tendencies), los miércoles a Eduardo de Vicente (cine), los xueves a Antonio Baños (economía) y los vienres a José Luis Gallego (ecoloxía).
• Entevistes a distintos protagonistes: músicos, escritores, científicos, políticos. Amás, los llunes, Territoriu negru, con Luis Rendueles y Manuel Marlasca. Los xueves, Nuevu territoriu históricu con Juan Adriansens y los vienres, Territorio comanche, tertulia cultural y de tendencies con Agustín Alcalá, Máximo Pradera, Santiago Segurola, Julián Casanova (repasu de películes) y Lorenzo Caprile.
• Gabinete. Manuel Delgado, Juan Adriansens, Elisa Beni, Lucía Etxebarría, Pilar Rahola, Anna Grau, María José Tarancón, Xavier Sardá, Julián Casanova, Alejo Vidal Quadras, Fernando Iwasaki, Melchor Miralles y Carmen Rigalt.

Na temporada 2015-2016 sigue l'esquema Monegal/Mesa de redaición (na primer hora), Persones físiques/entrevistes (na segunda) y nel gabinete incorpora nueves voces, como Noelia Adánez, el regresu de Juan Manuel de Prada, Rosa Díez y el saltu d'Antonio Baños, de la mesa de redaición al gabinete.

Antiguos collaboradores

Na tertulia denominada El Gabinete:

Audiencies

Según l'Estudiu xeneral de medios:

• 2014 (tercer folada, avientu 2014): 542.000 oyentes. Segundu llugar.^[1]
• 2016 (tercer folada, avientu 2016): 470.000 oyentes. Segundu llugar.^[2]
• 2017 (tercer folada, avientu 2017): 541.000 oyentes. Segundu llugar.^[3]

Referencies

Enllaces esternos

• Páxina oficial