Juan Barjola
Vida
Nacimientu Torre de Miguel Sesmero, 19 de setiembre de 1919[1]
Nacionalidá España
Muerte Madrid, 21 d'avientu de 2004[1] (85 años)
Estudios
Llingües falaes castellanu
Oficiu pintor
Movimientu Espresionismu
Cambiar los datos en Wikidata

Juan Galea Barjola foi un pintor estremeñu (19 de setiembre de 1919, Torre de Miguel Sesmero – 21 d'avientu de 2004, Madrid). Perteneciente a la corriente del espresionismu representativu, ye ún de los pintores estremeños de mayor importancia na segunda metá del sieglu XX, destacando na so pintura'l componente moral, que recueye n'imáxenes les convulsiones que se producen na sociedá española del so tiempu con un gran dominiu de la color y del xestu.

Biografía

Los sos primeros estudios artísticos realízalos al entrar con 17 años na Escuela d'Artes y Oficios de Badajoz, pasando más tarde a la de Madrid. Fizo lod sos estudios na Escuela de Bellrs Artes de San Fernando, trabayó como tallista, vendió los sos primeros dibuxos hasta que, en 1957 fizo la so primer esposición na Galería Abril de Madrid.

En 1960 obtién una beca d'estudiu de la Fundación Juan March que-y permite viaxar a París y Bélxica. En 1963 los críticos distínguen-y la Medaya d'Oru Eugenio D'Ors y espón nes sales de la Direición Xeneral de Belles Artes. Na Esposición Nacional de 1968 obtién el PremiouNacional de Dibuxu. Posteriormente espón en sales como l'Atenéu de Madrid, Galería Altamira (Uviéu), Bienal de São Paulo, Muséu de Belles Artes de Bilbo, Galería Biosca (Madrid).

En 1985 obtuvo'l Premiu Nacional d'Artes Plástiques. Destaquen les sos donaciones que se materialicen en 1988 na inauguración en Xixón del muséu qu'axunta gran parte de la so obra y otra donación a Estremadura.

Obra y crítica

Barjola señala de la so obra que tien dos componentes principales Un mundo soñado, El palpito que vivimos, y, otres, El mundo onírico, El soñado. Dientro del so mundu real destaquen les sos maternidaes, neños y neñes y, sobre too les tauromaquies que, al final de la so vida, diéron-y gran reconocimientu públicu.

Na so temática onírica destaquen les sos obres de tema eróticu como son series sobro los prostíbulos. Al so llabor propiamente pictóricu siguió realizando tamién dibuxu tola so vida.

La llitografía ye una estaya del arte en que realizó una de les obres maestres del sieglu XX: Tauromaquia. Formada por una coleición de 20 llitografíes en colores estampaes a mano inspiraes en versos de Rafael Alberti y editaes por Rafael Casariego (ediciones d'Arte y Bibliofilia) en 1970.

Museos

Museos con coleiciones de Juan Barjola:

  • Muséu Juan Barjola
  • Muséu Centru Nacional d'Arte Reina Sofía
  • Muséu de Belles Artes de Bilbo.
  • Muséu de Bellas Artes d'Asturies.
  • Muséu de la Solidaridá de Chile.
  • IVAM
  • Coleición d'Arte del Sieglu XX (Alacant, donación Eusebio Sempere)
  • Coleición Aena
  • Coleición Telefónica

Referencies

  • Barjola Joaquín de la Puente. Ministeriu d'Educación 1971
  • Barjola. José de Castro Arines. Panorama de la Pintura Contemporánea 1972
  • Paseo por Barjola. José Hierro. Catálogu de la exposición MEIAC 1999

Referencies

  1. 1 2 Afirmao en: Find a Grave. Identificador Find a Grave: 13173326. Apaez como: Juan Barjola. Data de consulta: 9 ochobre 2017. Llingua de la obra o nome: inglés.

Enllaces esternos

This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.