José de Posada Herrera
embajador de España ante la Santa Sede (es) 1868 - diputado a Cortes (es) 3 xineru 1866 - 30 avientu 1866 Distritu: Cartagena (es) diputado a Cortes (es) 30 avientu 1864 - 12 xunetu 1865 Distritu: Cartagena (es) miembru del Senáu español
Vida
Nacimientu	Llanes, 31 de marzu de 1814[1]
Nacionalidá	España
Muerte	Llanes, 7 de setiembre de 1885[2] (71 años)
Estudios
Llingües falaes	castellanu
Oficiu	políticu, profesor universitariu, economista, ministru, xurista
Llugares de trabayu	Madrid
Premios	ver Caballeru de la Orde del Toisón d'Oru
Miembru de	Real Academia de Xurisprudencia y Llexislación Real Academia de Ciencies Morales y Polítiques[3]
Creencies
Partíu políticu	Izquierda Dinástica (es)

José Posada Herrera (31 de marzu de 1814, Llanes – 7 de setiembre de 1885, Llanes) foi un xurista y políticu español, presidente del Conseyu de Ministros ente 1883 y 1884.

Biografía

Nació nel senu d'una noble familia llanisca formada por Blas Alejandro de Posada Castillo y Josefa d'Herrera Sánchez de Tagle.

Estudió Derechu y Economía y foi profesor de la mesma na Universidá d'Uviéu en 1838. Catedráticu de la Escuela especial d'Alministración (1843). Miembru de la Real Academia de Ciencies Morales y Polítiques (1857) y de Xurisprudencia y Llexislación (1864) y presidente del Atenéu de Madrid. A partir del añu 1839 empecipia una intensa actividá política que lo convierte nun testigu y protagonista escepcional de la so solmenada dómina. Mientres el periodu entendíu ente 1839-1841 foi diputáu pol Partíu Progresista y a partir de 1842 ingresó nes files del Partíu Moderáu, combatiendo con durez al so antiguu compañeru Salustiano Olózaga y collaboró cola cayida d'Espartero y de la Rexencia, destacando sicasí pola so independencia como parllamentariu.

Intervieno na redaición de les Constituciones de 1869 y 1876, aportando a escoyíu por unanimidá presidente del Congresu de los Diputaos en 1876. Ocupó otros importantes cargos políticos como miembru del Conseyu Real, presidente del Conseyu d'Estáu (1881), embaxador ante la Santa Sede en Roma (1868), ministru de Gobernación en 1858 y 1865 —en gobiernos presidíos por Francisco Javier de Istúriz y Leopoldo O'Donnell— y presidente del Conseyu de Ministros en 1883 —agora perteneciendo a Izquierda Dinástica—. Tamién foi presidente de la Real Academia de Xurisprudencia y Llexislación (1864-65) y del Atenéu de Madrid (1865-68).^[4]

Cuando yera ministru de la Gobernación foi denomináu "el gran eleutor", dada la falta d'escupulicios y habilidá por qu'en les eleición caltuviera'l control gubernamental de la resultancia, dándo-y la victoria.^[5]

Dientro de la so obra como xurista atopen los cuatro volúmenes de Lleiciones d'Alministración (1843), reeditaos los trés primeros pol Institutu Nacional d'Alministración Pública en 1978 y el cuartu —que se creía perdíu y dedicáu a la beneficencia pública— pol Serviciu de Publicaciones de la Universidá d'Uviéu en 1995, gracies a la investigación de Francisco Sosa Wagner, catedráticu de Derechu Alministrativu na Universidá de Lleón, sobre Posada, a quien considera'l padre del Derechu Públicu n'España y sobre el qu'escribió dos recién obres: Posada Herrera, actor y testigu del sieglu XIX (1995) y La construcción del Estáu y del Derechu Alministrativu: ideariu xurídicu-políticu de Posada Herrera (2001).

Referencies

Enllaces esternos

• Wikimedia Commons acueye conteníu multimedia sobre José de Posada Herrera.
• Rellación histórica de Presidentes del Conseyu de Ministros y del Gobiernu. Presidencia del Gobiernu d'España.

Predecesor: Nicolás Salmerón y Alonso Francisco de Borja Queipo de Llano	Presidente del Congresu de los Diputaos 15 de febreru de 1876 - 28 de xineru de 1878 20 de setiembre de 1881 - 26 de xunetu de 1883	Socesor: Adelardo López de Ayala Práxedes Mateo Sagasta
Predecesor: Práxedes Mateo Sagasta	Presidente del Conseyu de Ministros d'España 1883	Socesor: Antonio Cánovas del Castillo