Joan Ramis
Vida
Nacimientu	Maó, 27 d'abril de 1746
Nacionalidá	España Imperiu británicu
Muerte	Maó, 12 de febreru de 1819 (72 años)
Familia
Hermanos/es	Pedro Ramis (es) Antonio Ramis
Estudios
Estudios	Estudi General Lul·lià
Llingües falaes	catalán castellanu llatín
Oficiu	escritor, historiador, abogáu, botánicu
Abreviatura en botánica	Ramis y Ramis y Ramis (IPNI)

Joan Ramis i Ramis (27 d'abril de 1746, Maó – 12 de febreru de 1819, Maó) foi un escritor, historiador y abogáu español.

A pesar de qu'hasta práuticamente finales del sieglu XX ye práuticamente ignoráu nos manuales d'historia de la lliteratura catalana, ye la figura más importante del neoclasicismu lliterariu catalán. Menorca, qu'entós taba anexonada a Inglaterra, vivió'l Neoclasicismu intensamente y mientres la dominación británica, la economía menorquina foi próspera y la llingua y cultura propies de Menorca pudieron desenvolvese dafechu, al contrariu de los otros territorios de fala catalana. La posibilidá de viaxar y d'estudiar fora de la islla yera una realidá nun momentu en que'l comerciu y los negocios favorecíen les rellaciones con otres ciudaes y universidaes. Joan Ramis recibió una educación selecta qu'amplió con estudios de retórica y poética en Mallorca. Díxose qu'estudió derechu civil y canónicu en Avignon, pero lo más normal ye que, como tantos otros, namái fora a Avignon pa esaminase y, por tanto, estudiara por llibre allá na so tierra.

Escribió les primeres poesíes en catalán, castellán y llatín. Hai que destacar les obres de teatru, en catalán: Lucrècia (1769), traxedia neoclásica, Arminda (1775), traxedia de tema medieval, Constància (1779) y Rosaura o'l més constant amor (Rosaura o'l más constante amor), 1783.

A partir de 1784 escribió sobremanera en castellán, anque yá lo fixera con anterioridá cuando tenía once años nes sos anónimes Delles fábules dispuestes en versu por que, ayudaes de la pintura de los falsos dioses, pueda la mocedá dase por xuegu a esti estudiu (Calatayud, 1757). Les obres d'esti periodu son más bien mediocres. Col so nome publicó La Alonsiada (1818), poema narrativu sobre la conquista de la isla, traducida darréu al catalán. Los estudios históricos, sicasí, tán fechos con gran rigor. Los más importantes son Antigüedaes céltiques de la islla de Menorca (1818) y Historia civil y política de Menorca (1819). La primera d'estes obres foi escrita al envís d'apurrir información sobre cultura celta y íbera, tema'l cual yera de gran interés na península. Agora bien, los estudios que realizó en dichu llibru yeren en realidá de dómina prehistórica, anque nun principiu se encasillaron como cultura celta.

Referencies

Enllaces esternos

• Páxina dedicada a Joan Ramis de la Associación d'Escritores en Llingua Catalana, AELC. En castellán, catalán ya inglés.