Javier Nart

Javier Nart
eurodiputáu
eurodiputáu
Vida
Nacimientu	Laredo, 19 d'agostu de 1947 (76 años)
Nacionalidá	España
Estudios
Estudios	Universidá de Barcelona llicenciatura en Derechu
Llingües falaes	castellanu; catalán
Oficiu	políticu, escritor, abogáu, periodista, presentador de televisión, corresponsal de guerra
	Participante manifiestu escontra la muerte del espíritu y de la tierra ; Manifiesto por la Historia y la Libertad (es) ;
Llugares de trabayu	Estrasburgu, Bruxeles, Nicaragua, Yeme, Zimbabue, El Líbanu, Estáu de Palestina, Camboya, Laos, Irán, Iraq y Chad
Miembru de	Comité Executivu de Ciudadanos
Creencies
Partíu políticu	políticu independiente (dende setiembre 2019); Ciudadanos (de 2012 a setiembre 2019); Partíu Socialista Obreru Español (de 1978 a 1993); Partíu Socialista Popular (hasta 1978)
IMDb	nm1368648

Javier Nart Peñalver(19 d'agostu de 1947, Laredo), tamién conocíu como Xavier Nart ye unu abogáu, políticu, ex-corresponsal de guerra y escritor español. Anguaño ye diputáu nel Parllamentu Européu, escañu que llogró con Ciudadanos. Dexa'l partíu en setiembre de 2019 por discrepancies col llíder d'esta formación, Albert Rivera^[4].

Biografía

Anque ñació na llocalidá de Laredo, dende neñu moró en Bilbao. Treslladóse a Barcelona en 1965. El so pa yera notariu.^[5]

Carrera periodística

La so trayeutoria profesional pasa en primer llugar pola so etapa como periodista de guerra y corresponsal de guerra, ente 1977 y 1984, nes zones más conflictives del planeta: Nicaragua, Yeme, Zimbabue, El Líbanu, Palestina, Camboya, Laos, Irán, Iraq y Chad, ente otres.

Darréu conviértese en promotor y relator de la Comisión de Xuristes españoles nos territorios ocupaos en Palestina, y asume'l cargu d'asesor en temes de política internacional na Presidencia del Gobiernu y nel Ministeriu d'Asuntos Esteriores ente 1984 y 1988.

Presente en televisión d'España dende finales de los años 80, participó n'espacios d'alderique y conxusta en distintes cadenes de televisión. Empecipió nesta modalidá de periodismu televisáu col programa de TVE Tribunal Popular (1989-1991), nel que selmanalmente asemeyábase un xuiciu contra una causa d'especial actualidá, y nel que Javier Nart asumía'l papel de fiscal frente a Ricardo Fernández Dedo nel rol d'abogáu defensor. Darréu presentó'l programa divulgativu La Ley del Jurado (1994) tamién en TVE^[6] y participó nel espaciu d'alderique Moros y cristianos (1997-2001) de Telecinco, n'Al descubierto (2001), d'Antena 3 o na conxusta política del programa de María Teresa Campos en Telecinco Día entre día (2000-2004). Otros espacios nos que participó son: Audiencia Pública (2000), Crónicas marcianas o Panorama de actualidad. En radip participa na conxusta dProtagonistas de Luis del Olmo dende los años noventa. Tuvo tamién apaiciones televisives nel alderique de Telemadrid, Madrid Opina (2007-2010), nEl gato al agua d'Intereconomía TV, onde foi contertuliu dende 2008, y tamién el programa d'Antena 3 Espejo público dende 2010 en dambos casos hasta la so eleición como europarllamentariu.

Trayeutoria política

Ideolóxicamente s'identifica col socialismu democráticu y mientres la Transición foi Secretariu Xeneral del Partíu Socialista Popular Catalán (PSPC), una caña del Partíu Socialista Popular (PSP). Cuando'l PSP s'incorporó al PSOE s'afilió a esti partíu que, darréu, abandonó a principios de la década de los 90, refugando los escándalos qu'afectaron nel Gobiernu socialista del momentu y calteniendo les sos idees ensin afiliase a nengunu otru partíu.

Va años que ye cónsul honorariu de la República de Chad n'España, país que-y dio una condecoración. Esta condición dexó-y llevar a cabu un papel decisivu a la lliberación de los tripulantes deteníos a aquel país pol casu de la ONG L'Arca de Zoé en payares de 2007.

Na década de 2010 sofitó a Ciudadanos ya intervieno en distintes actes de la formación liderada por Albert Rivera y zarrando la llista del partíu por Barcelona pa les eleiciones al Parllamentu de Cataluña de 2012. En 2014 tuvo na llista del partíu a les eleiciones al Parllamentu Européu, dempués d'allegar a les primaries d'esti partíu ente'l 20 y 22 de febreru del mesmu añu. Nestes eleiciones Ciudadanos consiguió dos eurodiputaos (3,16 % de los votos) n'España y Nart foi escoyíu eurodiputáu, xunto con Juan Carles Girauta. En setiembre de 2019, por cuenta de discrepancies cola direición del partíu, abandonó la executiva, y diose de baxa de Ciudadanos, a pesar de que caltuvo l'escañu d'eurodiputáu.

Obres

Viaje al otro Brasil: del Mato Grosso a la Amazonia y al nordeste Atlántico (2002).
¡Sálvese quien pueda! Mis historias e histerias de guerra (2003).
Guerrilleros. El pueblo español en armas contra Napoleón, 1808-1814 (2007).
Viaje al Mekong. Cabalgando el dragón por Tailandia, Laos, Camboya y Vietnam (2007).
Viaje al desierto: de Kano a El Cairo (2007).
Nunca la nada fue tanto (2016).

Referencies

1 2 URL de la referencia: http://www.europarl.europa.eu/meps/en/125005/JAVIER_NART/home. Data de consulta: 12 setiembre 2019.
↑ URL de la referencia: https://cadenaser.com/ser/2015/08/25/politica/1440533542_887099.html. Data de consulta: 25 xunu 2019.
↑ URL de la referencia: https://www.eldiario.es/politica/Javier_Nart-Ciudadanos-baja-afiliacion-Parlamento_Europeo_0_938956704.html.
↑ «Javier Nart se da de baja en Ciudadanos pero no renuncia al escaño y seguirá en la delegación del partido en la Eurocámara» (castellanu).
↑ Javier Nart Abogáu y periodista «Revilla ye l'antítesis del políticu envaraláu: diz lo que piensa». "Nací en Laredo, onde'l mio padre yera notariu. Por tanto, fui nómada. Pero crecí en Bilbao. Anque nun tengo una referencia bien clara, considero de Bilbao, polo que soi l'antepasáu del nacionalismu más absoluto"Archiváu el 3 de marzu de 2016 na Wayback Machine. El Diario Montañés.
↑ El País (ed.): «TVE-1 trata d'averar la xusticia al ciudadanu con 'La llei del xuráu'» (13 d'ochobre de 1994).

Enllaces esternos

Javier Nart na Internet Movie Database (n'inglés)
Javier Nart en Facebook

This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.

[db984e32fc426db14965cab2a1a62ec9eed6a5de-1] 1 2 URL de la referencia: http://www.europarl.europa.eu/meps/en/125005/JAVIER_NART/home. Data de consulta: 12 setiembre 2019.

[260a1bbe503c4805970c8cf2e70aa5b49150306b-2] URL de la referencia: https://cadenaser.com/ser/2015/08/25/politica/1440533542_887099.html. Data de consulta: 25 xunu 2019.

[dc66d2f468797825bc430c2293061c9759203642-3] URL de la referencia: https://www.eldiario.es/politica/Javier_Nart-Ciudadanos-baja-afiliacion-Parlamento_Europeo_0_938956704.html.

[4] «Javier Nart se da de baja en Ciudadanos pero no renuncia al escaño y seguirá en la delegación del partido en la Eurocámara» (castellanu).

[5] Javier Nart Abogáu y periodista «Revilla ye l'antítesis del políticu envaraláu: diz lo que piensa». "Nací en Laredo, onde'l mio padre yera notariu. Por tanto, fui nómada. Pero crecí en Bilbao. Anque nun tengo una referencia bien clara, considero de Bilbao, polo que soi l'antepasáu del nacionalismu más absoluto"Archiváu el 3 de marzu de 2016 na Wayback Machine. El Diario Montañés.

[6] El País (ed.): «TVE-1 trata d'averar la xusticia al ciudadanu con 'La llei del xuráu'» (13 d'ochobre de 1994).

[1]

[2]

[3]

[4]

[5]

[6]