Waiting For My Rocket to Come

En 2002, Mraz llanzó'l so primer álbum debú nuna gran discográfica, Waiting for My Rocket to Come. L'álbum tuvo un ésitu comercial relativu, algamando'l númberu cincuenta y cinco nel Billboard Hot 200 y el númberu dos nel Top Heatseekers Chart. El primer senciellu del álbum, "The Remedy (I Won't Worry)" foi co-escritu pol equipu de producción muscial The Matrix y foi'l primer senciellu en tar ente los top venti nos Billboard Hot 100, llegando al númberu 15.

Mr. A–Z y xires

Jason Mraz en Gröna Lund en Estocolmu, Suecia, 2008.

Jason Mraz actuando en Foxwoods Resort Casino en Ledyard, Connecticut, 17 de mayu de 2006.

Mraz abrió'l show de Tracy Chapman en marzu de 2003 nel Royal Albert Hall en Londres. En xunetu de 2005, Mraz teloneó a Alanis Morissette mientres la so xira Jagged Little Pill Acoustic. El 26 de xunetu de 2005, llanzó'l so segundu álbum (Mr. A–Z) nuna gran discográfica, Atlantic Records. Entró nel Billboard 200 algamando'l puestu 4.^[6] N'avientu, l'álbum ganó una nominación nos Grammy Award como Meyor Inxeniería de Grabación, non clásica, ente que'l so productor, el prolíficu Steve Lillywhite, recibió una nominación pal Productor del Añu.^[7] Un amigu y ex-compañeru de pisu de Mraz, Billy "Bushwalla" Galewood, tamién collaboró nel álbum, co-escribió "Curbside Prophet" y el tercer senciellu del álbum, y "I'll Do Anything".

Mraz empezó la so llarga xira de Mr. A–Z nel San Diego Music Awards el 12 de setiembre. La xira cuntó cola gran variedá d'actuaciones, incluyendo a Bushwalla y Tristan Prettyman, con quien co-escribió'l dueto "Shy That Way" en 2002.^[8] Mraz y Prettyman tuvieron una rellación, la que terminó en 2006. Ellos tamién co-escribieron el cantar "All I Want For Christmas is Us".^{[ensin referencies]} En payares de 2005, Mraz abrió cinco concierto de los Rolling Stones mientres la so xira mundial de 2005–2006. Tamién en 2005, Mraz foi unu de los munchos cantantes destacaos na campaña publicitaria de The Gap titulada "Favoritos". Les temes musicales de la campaña tamién incluyó a Tristan Prettyman, Michelle Branch, Joss Stone, Keith Urban, Alanis Morissette, Brandon Boyd, y Michelle Williams.^[9] N'avientu de 2005, Mraz llanzó la primer parte del so cursu en podcast.

En marzu de 2006, Mraz realiza per primer vegada nun conciertu con llenu total en Singapur xunto a Toca Rivera como parte del Mosaic Music Festival.^{[ensin referencies]} En mayu de 2006, Mraz percorrió pequeños llugares y variaos festivales nos Estaos Xuníos, amás de realizar shows nel Reinu Xuníu ya Irlanda. La xira incluyó un show acústicu xunto a P.O.D., Better Than Ezra, Live, and The Presidents of the United States of America el 6 de mayu de 2006.

A empiezos de 2007, Jason Mraz debutó'l so nuevu senciellu "The Beauty in Ugly", un cantar escritu por Mraz titulada "Plain Jane" que foi reescrita pa la serie de televisuón d'ABC Ugly Betty. El cantar foi incluyida como parte de la campaña de "Be Ugly en '07" por ABC.^[10] Amás, llanzó una versión n'español del cantar tituláu "La Nueva Guapura".^[11]

En 2007, el concursante de American Idol Chris Richardson interpretó "Geek in the Pink", que xeneró una reconocencia masiva y aumentu de les descargues del cantar en iTunes Store. Esi mesmu añu la concursante de Canadian Idol, Greg Neufeld tamién interpretó la mesma tema.^{[ensin referencies]} "Geek in the Pink" algamó'l #22 en iTunes Store de EE. XX. el 17 de marzu de 2007, pero nun tuvo la mesma suerte nel Hot 100 del sitiu .^{[ensin referencies]}

We Sing. We Dance. We Steal Things.

Mraz llanzó'l so tercer álbum d'estudiu, We Sing. We Dance. We Steal Things. el 13 de mayu de 2008. L'álbum debutó nel númberu trés nel Billboard Hot 200 dando a Mraz el so meyor álbum hasta la fecha. Tres l'ésitu del primer senciellu, I'm Yours, l'álbum entró al top ten de munches llistes musicales del mundu.

Mraz y el so cantar "I'm Yours" fueron nomaes como Cantar del Añu y Meyor Interpretación Vocal Pop Masculina nos 51st Grammy Awards de 2009. L'álbum We Sing. We Dance. We Steal Things. foi nomáu nos Grammy por Meyor Inxeniería de Grabación, Non Clásica en 2009. El 31 de xineru, 2009, Mraz foi l'invitáu musical en Saturday Night Live, onde interpretó "I'm Yours" y "Lucky", esti postreru con Colbie Caillat. "Lucky" algamó'l #48 nos Hot 100.

En 2010, con "Make It Mine" y "Lucky", Mraz ganó dos premios nos 52nd Grammy Awards nes categoríes Meyor Interpretación Vocal Pop Masculina y Meyor Collaboración Pop.

Love Is A Four Letter Word

Love Is a Four Letter Word ye'l cuartu álbum d'estudiu del compositor y cantante, que foi llanzáu'l 17 d'abril de 2012 por Atlantic Records. "I Won't Give Up" foi'l so primer senciellu y foi llanzáu'l 3 de xineru de 2012. El discu foi producíu por Joe Chiccarelli (The White Stripes, Christina Perri) y contién doce canciones nueves, ente elles el so nuevu single "I Won't Give Up", qu'algamó'l númberu unu n'Estaos Xuníos "ensin nenguna promoción" y el puestu dolce en iTunes España "col sofitu de les redes sociales". Según la promotora musical, esti senciellu "ye una xoya pop con coros gospel" que'l so ésitu adelantró la salida del álbum, prevista primeramente pal mes de mayu. “Love Is A Four Letter Word” suena a sablera y a tranquilidá, a yoga y a paz cola naturaleza. Suena al estilu de vida que Jason Mraz diz prauticar, un estilu que queda reflexáu nos cantares. Nesti trabayu hai buecu pa temes acústiques ya intimistes pero tamién pa grandes melodíes. El músicu enllena'l so estilu pop-rock de matices reggae, soul ya inclusive jazz.

“The Freedom Song” ye la encargada d'abrir el discu, un cantar bien optimista. El bon rollu sigue en “Living In The Moment”, “The Woman I Love” y “Everything Is Sound”, la tema más feliz del álbum, anque la mesma vitalidá tresmite “Frank D. Fixer”, un cantar que'l músicu dedica al so güelu. Esti material inclúi les primeres incursiones de Jason Mraz nel jazz en temes como “5/6” y “Be Honest”, ente que'l toque más acústicu vien dau pol primer single, “I Won’t Give Up”.

Love Is a Four Letter Word, fala del amor nes sos distintes formes y esencies; quiciabes pa dalgunos va sonar como qu'a Mraz rompiéron-y el corazón. Esti cuartu discu puede considerase como unu de los más esperaos del artista d'espíritu llibre y lletres llenes d'esperanza. “Nun ye un discu de rompimientu, n'efeutu escribióse nun momentu nel que nun taba seguru de lo que pasaría nuna rellación”, dixo a CNN mientres s'afaía nun sofá. Referir a la rotura del so compromisu col so colega cantante y compositora Tristan Prettyman, pero'l ganador de dos Grammys diz que'l mensaxe ye más bien simbólicu y non lliteral. “Ye un discu de cantares d'amor pero vistu non yá col filtru del romanticismu. Tamién trata de la compasión y l'empatía y l'amor pel mundu natural. Nin siquier a la fin del proyeutu sentí qu'estes 12 cantares tomaren lo que significa l'amor. Sentíame como ‘Nun lo sé. L'amor tien cuatro lletres.’” Tour tamién tien cuatro lletres. El Tour “L'amor tien cuatro lletres” de Mraz empezó'l 8 de xunu en Pusan, Corea del Sur, y va llegar a Estaos Xuníos al mes siguiente en Honolulú, Hawaii. Mentanto, dedica la so pasión a l'acabante inaugurar Fundación Jason Mraz. “Na hestoria griega ‘Jason’ significa ‘sanador’”, señaló. “Asina que quixera cinxime a esi significáu non yá na mio música sinón nel mio llabor nesti mundu”. La fundación sofita diverses causes, dende la educación y el mediu ambiente, hasta sofitu n'adicciones y derechos humanos. Tamién declaró'l so sofitu pa la equidad nos matrimonios. “El fechu de faer del matrimoniu tradicional ente un home y una muyer una llei o norma ye casi como dicir que los homosexuales nun son reales. Bonu, los homosexuales son abondo reales, eso ye como tratar a los nuesos ciudadanos gais o lesbianes como ciudadanos de segunda clase. Creo que ye l'últimu pasu nel movimientu de los derechos civiles”, dixo. Pa Mraz, d'eso trata'l so cantar “I won’t give up”. “Trátase de nun arrenunciar a un suañu, o a la integridá que te conforma”, dixo'l cantante. “Nun hai suaños demasiáu grandes nin demasiáu pequeños. Toos tenemos daqué por qué lluchar”.

Yes!

Yes! ye'l quintu álbum d'estudiu del compositor y cantante d'Estaos Xuníos Jason Mraz, en collaboración col grupu Raining Jane, que foi llanzáu'l 15 de xunetu de 2014 por Atlantic Records.

"Love someone" ye'l primer senciellu del discu.1 Foi llanzáu'l 19 de mayu de 2014, el mesmu día que s'informó alrodiu de la fecha de llanzamientu del álbum.

Mraz, encargóse de promocionar l'álbum al traviés de videos, nos cualos amuesa'l procesu creativu d'esti en xunto a les integrantes de Raining Jane