 Jaramillo Quemado | |
|---|---|
 | |
| Alministración | |
| País |  España |
| Autonomía |  Castiella y Lleón |
| Provincia |  provincia de Burgos |
| Tipu d'entidá | conceyu d'España |
| Alcalde de Jaramillo Quemado | David Sebastian Castrillo |
| Nome oficial | Jaramillo Quemado (es)[1] |
| Códigu postal |
09640 |
| Xeografía | |
| Coordenaes | 42°05′05″N 3°21′39″W / 42.084722222222°N 3.3608333333333°O |
  Jaramillo Quemado Jaramillo Quemado (España) | |
| Superficie | 17.45 km² |
| Altitú | 979 m |
| Llenda con | Barbadillo del Mercado, Cascajares de la Sierra, Villaespasa, San Millán de Lara, Jaramillo de la Fuente y Pinilla de los Moros |
| Demografía | |
| Población |
10 hab. (2023) - 6 homes (2019) - 1 muyeres (2019) |
| Porcentaxe |
0% de provincia de Burgos 0% de Castiella y Lleón 0% de España |
| Densidá | 0,57 hab/km² |
| Más información | |
| Estaya horaria | UTC+01:00 |
| jaramilloquemado.es | |
 | |
Jaramillo Quemado ye una llocalidá y un conceyu[2] asitiaos na provincia de Burgos, comunidá autónoma de Castiella y Lleón (España), contorna de La Demanda, partíu xudicial de Salas de los Infantes, cabecera del conceyu del so nome. Jaramillo Quemado, conceyu asitiáu al este de la capital burgalesa, na contorna de la Sierra de la Demanda, yera villa d'insignes fidalgos. Prueba d'ello ye qu'antes se denominaba Jaramillo de los Caballeros. Ye pueblu nel qu'inda s'aprecia signos esternos de la so categoría, como les cases blasonadas y les inscripciones en numberoses fachaes. Cuntaba tamién el pueblu con dellos fornos comunales, un potru cola so fragua y un molín a veres del Salcedal. Ésti atópase perbién calteníu.
El pueblu de Jaramillo Quemado atópase estremáu en tres barrios: Gallejones, Cascayu y La Cai, barrios que conflúin na plaza onde s'alza pimpana'l rollu xurisdiccional, que confirma la esistencia d'un xuez nel pueblu.
La villa de Jaramillo Quemado ta enmarcada nuna guapa paraxa a la solombra del monte Mencilla, ideal para fai distintes rutes a cuerpu; p'aportar hasta'l pueblu lo más fácil ye dir pela carretera Burgos-Soria, la Nacional 234, y al llegar al términu de Cascajares de la Sierra tomar la esviadura hasta Jaramillo. Interesante ye tamién el carbayu de la “berruga”, árbol asitiáu na devesa cercana al pueblu bien interesáu; la fonte, conocida pola calidá de la so agua; la cueva de “los moros”…
Población
Con tan solo 5 habitantes censaos nel 2011 según el INE, Jaramillo Quemado ye, xunto con Illán de Vacas , el conceyu con menor población España. La so distribución por sexos ye de 3 varones (60%) y 2 muyeres (40%).
Dende'l 2016 ye'l conceyu menos pobláu d'España, con 5 habitantes. Illán de Vacas tien 6 dende esi añu.
Cultura
El patrón del pueblu ye San Martín (11 de payares), pero celébrase tamién el primer domingu d'agostu. La romería de Valpeñoso, celébrase'l primer domingu de xunetu en collaboración col pueblu de Villaespasa. El so monumentu ye la ilesia parroquial románica de San Martín de Tours.
Personaxes pernomaos
- Valeriano Ludovico Regueru Paniego, OFM, 1890-1976) Vicariu Apostólicu de Requena na selva alta de Perú y obispu titular de Gomphi en Tesalia (1957-1973). Intervieno nos cuatro sesiones del Conciliu Vaticanu II.[3]
Ver tamién
Referencies
- ↑ Afirmao en: Llista de Conceyos y los sos Códigos por Provincies a 1 de xineru de 2019. Data d'espublización: 8 febreru 2019. Editorial: Institutu Nacional d'Estadística.
- ↑ Códigu INE 184
- ↑ Bishop Valeriano Ludovico Regueru Paniego [Catholic-Hierarchy]
Bibliografía
- Alonso, Roberto. "Jaramillo Quemado, pueblos de la nuesa redolada". Amigos de Fexines, nᵘ86 (2000)
- Regueru, Luis Valeriano (O.F.M.). Jaramillo Quemado y Santuariu de Valpeñoso: Realidá, Hestoria, Lleenda. Burgos: [s.n.], 1975
Enllaces esternos
| Control d'autoridaes |
|---|
Datos: Q1637069
Multimedia: Jaramillo Quemado