James J. Braddock
Vida
Nacimientu	Hell's Kitchen (es) , 7 de xunu de 1905[1]
Nacionalidá	Estaos Xuníos
Muerte	North Bergen (es) , 29 de payares de 1974[1] (69 años)
Sepultura	Nueva Jersey
Estudios
Llingües falaes	inglés[2]
Oficiu
Oficiu	boxeador
Altor	189 cm
Serviciu militar
Lluchó en	Segunda Guerra Mundial
jamesjbraddock.com

James Walter Braddock (7 de xunu de 1905, Hell's Kitchen ^(es)  – 29 de payares de 1974, North Bergen ^(es) ) foi un boxeador campeón del mundu. Engarrando col nome de James J. Braddock la so habilidá pa ganar engarradielles nes qu'él nun yera favoritu fíxo-y ganase el llamatu de Cinderella Man, Cenicientu, por Damon Runyon.

Biografía

Nacíu en Nueva York nel senu d'una probe familia irlandesa. Dempués d'una esitosa carrera como aficionáu Braddock fíxose profesional a los 21 años, engarrando na categoría de semipesaos. Tres años dempués en 1929, les sos actuaciones diéron-y la oportunidá d'engarrar pol campeonatu, pero perdió per un estrechu marxe contra Tommy Loughran por decisión nuna engarradiella a 15 asaltos. Ésta foi siguida por otra engarradiella contra Maxie Rosenbloom y nos siguientes seis años tuvo que trabayar pa vivir mientres la Gran Depresión tenía llugar y les oportunidaes de ganar dineru nel negociu del boxéu taben llindaes pa la mayoría de los púgiles de metá del escalafón.

En 1934, por cuenta de una cancelación d'últimu minutu, a Braddock ufiertóse-y la oportunidá d'engarrar contra John "Corn" Griffin. Anque se suponía que tendría de ser otru pasu nel ascensu de Griffin, Braddock consiguió una victoria inesperada. Dempués ganó a otru respetáu contendiente, John Henry Lewis; y en marzu de 1935 ganó a Art Lasky, que-y fixo ganar se la considerancia de ser el máximu contendiente al campeonatu del mundu y consiguió una engarradiella pol títulu contra'l Campeones lliniales nel boxéu Campeón del Mundu de los Pesos Pesaos, Max Baer.

Consideráu namás que un púgil esperimentáu, Braddock foi escoyíu polos axentes de Baer porque foi vistu como una paga fácil pal campeón na so primer defensa del títulu. Baer casi nun punxo atención a la so preparación física pa la engarradiella, y nuna de les mayores sorpreses del boxéu, el 13 de xunu de 1935, en Long Island City, Nueva York, Braddock ganó'l campeonatu del mundu de los pesos pesaos. La engarradiella amosó a un aportunante Braddock recibiendo pesaos golpes del campeón, pero siguió hasta que venció a Baer. Los xueces diéron-y a Braddock el títulu por decisión unánime, tomando en considerancia'l descuentu de puntos efectuáu al campeón Baer por refundiar golpes non reglamentarios. Pero Braddock tampoco tuvo ésitu en defender la so corona nin una sola vegada.

Braddock sufrió problemes coles sos manes dempués de bastantes mancadures y en 1936 la so defensa del títulu nel Madison Square Garden contra'l alemán Max Schmeling tuvo que ser atayada. Cuando tuvo preparáu pa lluchar, Braddock, con 32 años, escoyó defender el so títulu contra la entós estrella de 23 años Joe Louis. Dándose cuenta de que Louis sería un gran favoritu y siendo un astutu home de negocios, Braddock axustó un alcuerdu al traviés del cual él recibiría'l 10% de les futures ganancies de Louis nos siguientes diez años. Braddock baltó a Louis nel primer asaltu nel so combate del 22 de xunu de 1937, pero Louis repúnxose y apoderó el combate ganando por parada nel octavu asaltu.

Braddock engarró una vegada más en 1938, ganando a los puntos contra Tommy Farr, pero'l tiempu pasara factura y, sabiamente, retiróse. Dempués del so retiru, Jim y el so representante Joe Gould apuntar en 1942 onde se convirtieron en tenientes y primero que la guerra terminara Braddock sirvió na isla de Saipán. En 1954, concedióse-y el James J. Walker Award en reconocencia pola so llongura y meritoriu serviciu al boxéu.

A la so muerte, en 1974 en Nueva Jersey, Braddock foi soterráu nel campusantu Mount Carmel, en Englewood, Nueva Jersey, dexando tres de sigo una marca de cincuenta y un victories n'ochenta y cinco combates. Morrió mientres dormía.

Braddock foi incluyíu nel the Ring Boxing Hall of Fame en 1964, el Hudson County Hall of Fame en 1991 y nel International Boxing Hall of Fame en 2001. Un parque na ciudá de North Bergen, Nueva Jersey, lleven el so nome n'honor so.

Película Biográfica

La película Cinderella Man de 2005, cunta la hestoria de James J. Braddock. Empobinada por Ron Howard y protagonizada por Russell Crowe como Braddock y por Renée Zellweger como la so muyer, Mae. Ésta nun foi un gran ésitu de taquilla y hubo polémica pola representación del personaxe de Max Baer por ser pocu averada a la realidá.

Referencies

Enllaces esternos

• Sinopsis de la película Cinderella Man
• Páxina oficial