| Islla Kennedy | |
|---|---|
 | |
| Situación | |
| Reinos |  Islles Salomón |
Provincia (es)  | Provincia Occidental (es) |
| Tipu | islla |
| Parte de | Islles Nueva Xeorxa |
| Asitiáu en | Mar de Salomón |
| Coordenaes | 8°06′46″S 156°54′20″E / 8.1128°S 156.9056°E |
  Islla Kennedy Islla Kennedy (Islles Salomón) | |
| Datos | |
| Superficie | 0,000185 km² |
| Población | 0 |
| Llonxitú | 0,075 km |
 | |
La Islla Kennedy (nome local Kasolo Island, tamién conocida como Plum Pudding Island) ye una islla deshabitada de 1,17 hectárees, con un resort de sablera pa turistes, que pertenez a les Islles Salomón que recibió'l so nome n'honor a John F. Kennedy, trés un incidente qu'afecta a Kennedy mientres la so carrera naval na Segunda Guerra Mundial.
La islla Kennedy alcuéntrase a 15 minutos en barcu dende Xizo, la capital provincial de la Provincia Occidental de les Islles Salomón.[1]
Historia
La islla ye notable pol so papel na historia del patrulleru PT-109, parte del Teatru del Océanu Pacíficu de la Segunda Guerra Mundia. N'agostu de 1943, foi nesta islla onde la tripulación del barcu, comandau pol entós teniente Kennedy, nadó dempués de que'l so barcu fuera fundíu por un destructor xaponés.
Dos marineros estauxunidenses morrieron nel incidente. Kennedy más tarde mandó a la tripulación nadar hasta la Islla Olasana, onde fueron atopaos y ayudaos por observadores melanesios, Biuku Gasa y Eroni Kumana, unviaos pol observador costeru Reg Evans.
Eroni Kumana de Solomon qu'ayudó nel rescate de la tripulación, construyó un pequeñu santuariu a Kennedy que aun s'alcuentra na islla.
Historia reciente
La islla permanez deshabitada, pero ye una atracción turística. En 2003, celebróse una carrera onde los participantes representaron la natación de Kennedy.[2]
Anteriormente una área pública, foi adquirida en 2004 a un costu de 950 USD por Joseph Douglas, un asesor del entós Primer Ministru de la Provincia Occidental. La llegalidá de la vienta foi oxetu d'un desafíu llegal.
En 2009, Douglas vendió la islla Kennedy a Xizo Hotel (propiedá del australianu Shane Kennedy), un añu dempués de que'l so hermanu Dan Kennedy mercó'l complexu turísticu más cercanu a la islla Kennedy.[3]
Bibliografía
«John F. Kennedy and PT109». John F. Kennedy Presidential Library and Museum. Consultáu'l 1 payares 2023, (n'inglés).
Referencies
- ↑ Borthwick (12 February 2016). «Solomon Islands: In Kennedy's footsteps». The New Zealand Herald. Consultáu'l 22 Xunu 2018.
- ↑ «John F Kennedy and Solomon Islands». Solomon Airlines. Consultáu'l 22 xunu 2018.
- ↑ «Solomon Islands Island named after JFK has a new owner». RNZ. Radio New Zealand (18 Marzu 2009).
