SIL International

SIL International
	organización non gubernamental, organización ensin ánimu de llucru y organización cristiana (es)
Llocalización
Sede	Dallas
Direición	Estaos Xuníos
Historia
Fundación	1934
Fundador	Guillermo Cameron Townsend (es)
Organigrama
Presidente	Kenneth Lee Pike (es) (1935)
Participación empresarial
Propietariu de	ver Ethnologue;
Varios
Premios	Premio Ramón Magsaysay (es) ;
	Web oficial

Esti artículu trata sobre la organización SIL Internacional. Pal ríu, vease Ríu Sil.

SIL International (tamién conocíu como Summer Institute of Linguistics, Institutu Llingüísticu de Branu) ye una organización ensin ánimu d'arriquecimientu perteneciente al cristianismu protestante evanxélicu, que la so finalidá principal ye arrexuntar y espublizar documentación sobre les llingües menos conocíes, col propósitu de traducir la Biblia a diches llingües. Esta institución caltién la base de datos Ethnologue, y céntrase principalmente nes llingües non escrites.

SIL International, primeramente llamáu "Summer Institute of Linguistics", empezó como un pequeñu cursu de branu práuticu n'Arkansas, l'añu 1934, pa misioneros de lo que más palantre se convertiría en Wycliffe Bible Translators. Anguaño, SIL tien rangu d'organismu consultivu ante la Unesco y ante les Naciones Xuníes. El SIL tien rexistraes y catalogaes por aciu el so códigu unes 7000 llingües en Ethnologue.

N'América Llatina, acusóse al SIL^[¿quién?] de ser cómpliz de les compañíes petroleres, al ayudar a éstes a que los indíxenes abandonaren les sos tierres y que estos se les apurrieren a les citaes compañíes, usando amás métodos turbios.^{[ensin referencies]} Y dizse^{[¿por quién?]} que sirve como avanzadura de les nueves esplotaciones de petroleu. Pa reforzar esti fechu afírmase que les organizaciones humanitaries de la familia Rockefeller (dedicada al petroleu) financien el SIL.^{[ensin referencies]} Por estes razones fueron espulsaos d'Ecuador en 1980.^[1] Tamién nos 80 fueron espulsaos de Brasil, Méxicu y Panamá, y la so presencia foi acutada en Colombia y Perú.^[2]

En Colombia, depués del asesinatu de dellos de los sos misioneros, fueron forzaos a salir.

Código SIL

SIL tien rexistraes y catalogaes col so códigu unes 7.000 llingües. Algunos exemplos del códigu SIL:

CHN Chinu mandarín

DUT Neerlandés

ENG Inglés

FRN Francés

SWD Suecu

Referencies

↑ Perkins, J. (2005). Confesiones d'un gángster económicu. Ediciones Uranu. ISBN 84-934642-0-1.
↑ Cleary, Edward L., and Timothy J. Steigenga: Resurgent Voice in Latin America: Indigenous Peoples, Political Mobilization, and Religious Change (Rutgers University Press 2004), ISBN 0-8135-3461-5.

Enllaces esternos

This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.

[1] Perkins, J. (2005). Confesiones d'un gángster económicu. Ediciones Uranu. ISBN 84-934642-0-1.

[2] Cleary, Edward L., and Timothy J. Steigenga: Resurgent Voice in Latin America: Indigenous Peoples, Political Mobilization, and Religious Change (Rutgers University Press 2004), ISBN 0-8135-3461-5.

[1]

[2]