Illán Gonzali
Vida
Nacimientu Xixón, 11 de xineru de 1990 (34 años)
Nacionalidá España
Estudios
Llingües falaes castellanu
Oficiu direutor de doblaxe, productor de cine
Cambiar los datos en Wikidata

Illán Gonzali (11 de xineru de 1990, Xixón) ye realizador de cine y televisión, direutor de doblaxe y productor asturianu.

Biografía

Formáu como téunicu superior en realización d'audiovisuales y espectáculos entamó la so actividá como realizador en 2009 col llargumetraxe documental L'últimu chalgueiru, siguiendo nesa xera cola direición del mediumetraxe documental A bruxa de Brañavara, el primeru rodáu en gallegoasturianu. En 2008 entamara tamién la rotulación y sotituláu de clásicos del cine. Foi direutor de doblaxe de cinco llargumetraxes y de diez curtiumetraxes, incluyendo'l versionáu en 2010 de Los viaxes de Gulliver, primer llargumetraxe d'animación dobláu al asturianu. Tien producío amás de documentales y ficción la publicación en DVD de dos muestres de cine asturianu. Produció tamién los primeros doblaxes al asturianu de llargumetraxes bien conocíos de la cinematografía d'Estaos Xuníos d'América y Gran Bretaña.

Coordinó la Estaya Cinematográfica en L'Arribada nos años 2008, 2009, 2010 y 2011, y Asturies Cinema nel Festival Arcu Atlánticu en 2012, 2013 y 2014.

Ye'l responsable de la empresa xixonesa Gonzali Producciones.

Filmografía

  • L'últimu chalgueiru (2009)
  • A bruxa de Brañavara(2010)

Direición de doblaxe

  • Los viaxes de Gulliver (2010)
  •  El tercer home (2011)
  • El rostru impenetrable (2013)
  • Les Aventures de Superman - serie d'animación (2014)
  • Dirty Harry (2014)
  • Picatueru - curtiumetraxe d'animación (2016)
  • Orixe (2016)

Producciones

Cine Documental

  • A Bruxa de Brañavara (2010)
  • L'últimu chalgueiru (2009)

Doblaxe n'asturianu

Doblaxe en gallegoasturianu

  • Popeye e as 1001 noites (2011)

Subtituláu n'asturianu

  • Vynález zkázy (Inventu diabólicu) (2013)
  • White Zombie (La lexón de los homes ensin alma) (2012)

Cine mudu rotuláu n'asturianu

  • L'Acorazáu Potemkin (2009)
  • El Golem: Una crónica vieya en cuatro capítulos (2009)
  • El gabinete del doctor Caligari (2009)
  • El mundu perdíu (2008)
  • Frankenstein - Versión de 1910, Estudios Edison (2008)
  • Nosferatu: Una sinfonía del espantu (2008)

Muestres de cine asturianu

  • Esbilla 2013 (2013)
  • Esbilla 2012 (2012)

Ediciones en DVD

Los doblaxes Los viaxes de Gulliver (2010), El tercer home (2011), McLintock (2011) y La nueche de los muertos vivientes – Edición especial qu'inclúi White Zombie subtitulada n'asturianu (2012), y les muestres de realizadores asturianos Esbilla 2012 (2012) y Esbilla 2013 (2013)

Referencies

    Enllaces esternos

    This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.