Kernowek y Kernewek
Faláu en
Faláu en Reinu Xuníu
Númberu de falantes
Falantes Tipu Añu
0llingua materna2011
600segunda llingua2011
Datos
Familia lenguas britónicas del suroeste (es) Traducir y Llingües britóniques
Estáu de vulnerabilidá 5 en situación crítica (es) Traducir
Sistema d'escritura alfabetu llatín
Reguláu por Akademi Kernewek (en) Traducir
Códigos
ISO 639-1 kw
ISO 639-2 cor
ISO 639-3 cor
Cambiar los datos en Wikidata
Retrocesu del córnicu col tiempu.

El córnicu[1] ye una llingua celta falada nel condáu británicu de Cornualles (n'inglés Cornwall, en córnicu Kernow). Tien un 80% de semeyanza col Bretón y un 75% col Galés, faláu na mesma islla.

Desapaeció como llingua d'usu habitual nel sieglu XIX, sustituida pola llingua inglesa, pero foi recuperada nel primer cuartu del sieglu XX. Güei hai delles asociaciones de proteición de la llingua, ente la que destaca la Kesva an Taves Kernewek. Tamién ye estudiada nes escueles como asignatura optativa. Anguaño, l'idioma ye un elementu importante de conciencia nacional y, anque ensin nengún reconocimientu oficial, falen córnicu unes 500 persones, anque unos 3.500 tienen dalgunos conocimientu anque nun seyan a falalo.

Tamién tien presencia en dalgunes escueles como asignatura optativa y Radio Cornwall emite un programa selmanal de quince minutos nesta llingua. Dalgunos padres neofalantes entamen a educar a los sos fíos en córnicu, cosa que nun pasaba dende hai más d'un sieglu. Anguaño, 120 escolinos estudien l'idioma en primaria (d'un total de 39.000 alumnos) y 70 en secundaria ( de 32.000).

En 2008, dempués de dos años de trabayu, la Kowethas an Yeth Kernewek votó a favor d'una norma escrita qu'unificara les cuatro ortografíes esistentes en Cornualles. Asina, queríen da-y puxu al idioma na escuela y na vida pública énte l'importante interés pola llingua na sociedá. Una norma estándar que cuenten revisar en 2013.

La última falante materna de córnicu foi Dolly Pentreath, que morrió en 1777. Según la lleenda les sos últimes pallabres foron "Me ne vidn cewsel sawznek!" (¡Nun quiero falar inglés!). Anguaño, el movimientu de reivindicación llingüística córnicu llucha pa que la Carta Europea de les llingües minoritaries reconoza’l córnicu, yá qu'anguaño ye consideráu pola XE como un idioma muertu.

Referencies

Enllaces esternos

  • Ferdinand, Siarl (2013). Brief History of the Cornish language, its Revival and its Current Situation. E-Keltoi, Vol. 2, 2 Dec. pp. 199–227
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.