IKEA

IKEA
	cadena de tiendas de muebles (es)
Llocalización
Sede	Delft
Direición	Países Baxos
Forma xurídica	Besloten vennootschap met beperkte aansprakelijkheid
Historia
Fundación	28 xunetu 1943
Fundador	Ingvar Kamprad
Orixe del nome	Ingvar Kamprad; Elmtaryd (en) ; Agunnaryd socken (en)
Sector
Industria	manufactura; Diseñu; Minorista
Productos destacaos	Mueble listo para armar (es) ; colchón (es) ; electrodomésticu; moblame; artículo de cocina (es) ; interior decoration (en) ; linería (es) ; sofá
Datos económicos
Emplegaos	219 000 (2023)
Activos totales	23 001 000 000 € (2023)
Ingresos totales	29 063 000 000 € (2023)
Beneficiu netu	1 639 000 000 € (2023)
Beneficiu enantes d'impuestos	2 246 000 000 € (2023)
	Web oficial

IKEA ye una multinacional d'orixe suecu centrada na venta de muebles y otros oxetos domésticos a precios reducíos qu'ún ha de montar por sigo mesmu.

Mapa de tiendes IKEA alredol del mundu: Países con tiendes IKEA Países con planes d'instalación de tiendes IKEA Tiendes zarraes Ensin tiendes

El conceutu ye ufiertar artículos de calidá y diseñu a un preciu baxo, pero ensin renunciar a delles esixencies nel procesu de producción, como la prohibición del trabayu infantil. El fechu de que merque productos desmontaos failos más baratos porque reduz la mano d'obra necesaria asina como'l volume nel trasporte y l'almacenaxe. Consideráu como un llibru, el catálogu d'IKEA, que contién unos 12.000 productos, ye'l segundu más distribuyíu tres de la Biblia, con cien millones de copies añales.

Historia

La empresa fundóla en 1943 el suecu Ingvar Kamprad con 17 años d'edá, tres d'acumular un capital pequeñu cola venta a pequeña escala d'otros productos. Na década de los 50, la empresa adopta la estructura que tien anguaño, con llocal de muestra de los muebles mercables y auto-montax. En 1963 ábrese la primera tienda fuera de Suecia n'Asker, un suburbiu d'Oslu, Noruega. En 1973, cola apertura d'un establecimientu en Zúrich, IKEA trespasa per primer vegada l'ámbitu d'Escandinavia. Anguaño ta establecía en 35 países (hibiernu de 2005).

Estructura de la tienda

IKEA tiende a colocase nes afueres de les grandes ciudaes, cerca de los exes de comunicación, preferiblemente autopistes. El fechu de que'l cliente vaiga en coche y lu emplegue pal tresporte de los muebles ye daqué habitual na filosofía comercial d'IKEA. Nos Estaos Xuníos, l'apertura d'una nueva tienda d'IKEA suel dir acompañada d'un aumentu de los atascos de tráfico nel área. Amás d'un gran aparcamientu, la estructura habitual ye a lo cabero un gran bloque azul con poques ventanes. Dacuano ta diseñada con un trayeutu unidireicional obligatoriu, que fuercia a los clientes a dir per toles seiciones enantes d'aportar a les caxes. Típicamente, la tienda inclúi tamién un restaurante de comida sueca.

Nome y curiosidaes

IKEA ye un acrónimu formáu poles iniciales del fundador (Ingvar Kamprad) y la casería y el pueblu onde vivió: Ingvar Kamprad Elmtaryd i Agunnaryd.

Sicasí, en dellos países, atopáronse posibles significaos humorísticos pa esti acrónimu:

Ik koop echt alles (mércolo too dafechamente), nos Países Baxos.
Idioten kaufen einfach alles o Idioten kaufen eben alles (idiotes merquen dafechu too), nos países de fala alemana.

Ver tamién

Ingvar Kamprad
Alfragide

Referencies

Enllaces esternos

Páxina web oficial (n'estremaes llingües. Nun ta n'asturianu)

This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.