Hugo Fontela
Vida
Nacimientu Grau, 1986[1] (37/38 años)
Nacionalidá España
Estudios
Estudios Escuela de Artes y Oficios de Avilés (es) Traducir
Llingües falaes castellanu
Oficiu pintor
Premios
Cambiar los datos en Wikidata

Hugo Fontela Rodríguez (1986, Grau) ye un pintor asturianu.

La so afición al dibuxu entama na so neñez y más sero, de la mano del pintor asturianu Amado González Hevia, Favila, ingresaría na Escuela d'Artes y Oficios d'Avilés cuando contaba catorce años d'edá. Ingresará depués na Escuela d'Arte d'Uviéu, y cuando diba a entamar a estudiar la llicenciatura de Belles Artes decide treslladase a Nueva York ingresando en The Art Students League.

En 2005 recibió'l Premiu BMW de Pintura, na so ventena edición, y en 2007 algamó'l premiu al meyor artista na Feria d'Arte Gráficu ESTAMPA, concedíu pola Asocación de Críticos d'Arte de Madrid. En 2006, xunto con Juan Hidalgo, participa como invitáu na XVIII Bienal de Pintura de Zamora. Nel añu 2011 el Muséu de l'Abadía de Montserrat, en Barcelona, entama una bayurosa muestra de los sos trabayos fechos n'América, que ye inaugurada polos Príncipes d'Asturies. Esi mesmu añu, como biltu de dos estancies en Rio de Janeiro xunto a Oscar Niemeyer (2009 y 2011), fai la muestra Niemeyer by Fontela, nel centru proyectáu pol propiu arquiteutu n'Avilés. Anguaño forma parte de la Galería Carles Taché de Barcelona. Dende l'añu 2005 vive y trabaya en Manhattan[3].

Anguaño vive y trabaya en Manhattan.

Referencies

  1. ↑ «rexistru d'autoridaes BNE». Consultáu'l 5 xunu 2020.
  2. ↑ URL de la referencia: https://www.fpdgi.org/es/presencia-social-de-los-jovenes/premiados/hugo-fontela/. Data de consulta: 7 xunetu 2022.
  3. ↑ web personal d'Hugo Fontela. Consultao'l 17.03.2014
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.