Honshū
本州 (ja)
Situación
Tipu islla de Xapón
Parte de Archipiélagu xaponés
Asitiáu en Mar de Xapón
Coordenaes 36°N 138°E / 36°N 138°E / 36; 138
Honshū alcuéntrase en Xapón
Honshū
Honshū
Honshū (Xapón)
Datos
Puntu más altu Monte Fuji
Superficie 227 939,66 km²[1]
Población 104 000 000
Llonxitú 1300 km
Cambiar los datos en Wikidata

Honshū (本州 Honshū, «Islla principal» o «provincia principal») ye la islla principal del archipiélagu xaponés, n'otru tiempu llamada Hondō.[2][3] Ye la islla más grande y poblada de Xapón. La mariña occidental de la islla ta bañada pel mar del Xapón, la meridional pel mar de Filipines y l'oriental direutamente pel mesmu océanu Pacíficu. Llinda, al norte, cola islla de Hokkaidō, de la que la dixebra l'estrechu de Tsugaru; al sur, cola islla de Shikoku, dixebrada pel mar Interior de Sebe; y, al suroeste, cola islla de Kyūshū, dixebrada pol estrechu de Kanmon.

La islla mide unos 1300 km de llargu y ente 50 y 230 km d'anchu, y el so área total ye de 227 942 km², alredor del 60% del área total de Xapón. Pola so superficie, ye la séptima islla más grande del mundu dempués de la islla indonesa de Java. Tien 5450 km de mariña. Ye una islla montascosa y volcánica, y nella prodúcense numberosos terremotos, como'l gran terremotu de Kantō de setiembre de 1923 y el terremotu y maremotu en marzu de 2011. El picu más altu ye'l monte Fuji, con 3776 m. Hai munchos ríos, como'l Shinano, el más llargu de Xapón y el ríu Tone, el que tien una mayor cuenca de Xapón. El clima ye bien variable, con un norte fríu y un sur subtropical.

La población de Honshū ye de 103 000 000 habitantes (2005) y ta concentrada nes llanures esistentes, especialmente na llanura de Kantō, onde mora'l 25 % de la población nel Área del Gran Tokiu. Siendo'l centru históricu de la cultura xaponesa y poder políticu, la islla inclúi dellos capitales vieyos de Xapón, inclusive Kioto, Nara, y Kamakura. Enforma de la vera surena forma parte de la megalópolis xaponesa que s'estiende sobro delles de les islles xaponeses.

La mayoría de la industria de Xapón allugase na vera surena de Honshu, de Tokiu a Kioto, Osaka, Nagoya, Kōbe, ya Hiroshima. En comparanza, la economía pel mar de Xapón al noroeste basase en gran midida na pesca y l'agricultura. La islla s'enllaz coles trés otres principales de Xapón por un númberu de pontes y túneles. El clima ye húmedu y templáu.

La islla estremase en cinco rexones y 34 prefeutures, ente elles el Tokiu metropolitanu.

Les rexones y prefeutures son:

  • Chūbu (centru) - Aichi-ken, Fukui-ken, Gifu-ken, Ishikawa-ken, Nagano-ken, Niigata-ken, Toyama-ken, Shizuoka-ken, Yamanashi-ken.
  • Chūgoku (sur) - Hiroshima-ken, Okayama-ken, Shimane-ken, Tottori-ken, Yamaguchi-ken.
  • Kantō (esti) - Chiba-ken, Gunma-ken, Ibaraki-ken, Kanagawa-ken, Saitama-ken, Tochigi-ken, Tōkyō-to.
  • Kinki (Kansai) (sur, anque al norte de Chūgoku) - Hyōgo-ken, Kyōto-fu, Mie-ken, Nara-ken, Ōsaka-fu, Shiga-ken, Wakayama-ken.
  • Tōhoku (norte) - Akita-ken, Aomori-ken, Fukushima-ken, Iwate-ken, Miyagi-ken, Yamagata-ken.

Honshū ta xunida a les demás islles principales de Xapón por túneles o pontes

Terremotu 2011

De resultes de dichu terremotu, producióse un desplazamientu de la islla d'aproximao 2,4 metros.[4]

Referencies

Enllaces esternos

This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.