La hidroxeoloxía ye una rama de las ciencies xeolóxiques qu'estudia les agües soterránees no tocante a la so circulación, los sos condicionamientos xeolóxicos y la so captación, asina la so definición diz «La hidrogeoloxía ye la ciencia qu'estudia l'orixe y la formación de les agües soterránees, les menes de xacimientu, la so difusión, movimientu, réxime y reserves, la so interaición colos suelos y roques, el so estáu (llíquidu, sólidu y gaseosu) y propiedaes (físiques, químiques, bacteriolóxiques y radiactives); asina como les condiciones que determinen les midides del so aprovechamientu, regulación y evacuación» (Mijailov, L. 1985. Hidroxeoloxía. Editorial Mir. Moscú, Rusia. 285 p)

Anguaño, los estudios hidroxeolóxicos son d'especial interés non solu pa la provisión d'agua a la población sinón tamién pa caltriar el ciclu vital de ciertos elementos químicos, comu asina tamién pa evaluar el ciclu de les sustancies contaminantes, la so movilidá, dispersión y la mena en qu'afeuten al mediu ambiente, polo qu'ésta especialidá convirtióse nuna ciencia básica pa la evaluación de sistemes ambientales complexos.

L'abordaxe de les custiones hidroxeolóxiques abarquen: la evaluación de les condiciones climátiques d'una rexón, el so rexime pluviométricu, la composición química de l'agua, les carauterístiques de les roques como permeabilidá, porosidá, fisuración, la so composición química, los xeitos xeológicos y xeoteutónicos, ye asina que la investigación hidroxeolóxica implica, ente otres, trés temátiques principales:

1. L'estudiu de les rellaciones ente la xeoloxía y les agües soterránees.
2. L'estudiu de los procesos que rixen los movimientos de les agües soterránees nel interior de les roques y de los sedimentos.
3. L'estudiu de la química de les agües soterránees (hidroquímica ya hidroxeoquímica).

Referencies

Enllaces esternos

• Wikimedia Commons acueye conteníu multimedia sobre Hidroxeoloxía .