Hermanos Lumière
Vida
IMDb	co0014436

Conozse col nome d'Hermanos Lumière a los hermanos Louis Jean (5 d'ochobre, 1864 — 6 de xunu, 1948) y Auguste Marie Louis Nicholas (19 d'ochobre, 1862–10 d'abril, 1954), inventores del proyeutor cinematográficu.

Ambos nacieron en Besançon, Francia, pero criáronse en Lyon. So pá tenía una empresa fotográfica y dambos hermanos trabayaben nella, Louis como físicu y Auguste como alministrador. Louis fizo delles igües nel procesu de reveláu de fotografíes estátiques.

Al morrrer so pá, en 1892, los hermanos entamaron a trabayar na posibilidá de rexistrar imáxenes en movimientu. Patentaron un númberu valoratible de procesos, ente ellos, el d'afuracar la película pa permitir el so movimientu en dientru la cámara.

Crearon un aparatu que servía tanto como cámara como proyeutor: el cinematógrafu, que basaba'l so funcionamientu nel conceutu de persistencia retiniana del güeyu humanu.

El cinematógrafu foi patentáu el 13 de febreru de 1894. La primer película foi La sortie des usines Lumière (La salida de la fábrica Lumière) el 19 de marzu de 1895.

El primer espectáculu de pagu foi'l 28 d'avientu de 1895 en París, nel Grand Café, nel Boulevard des Capucines.

Los hermanos nun confiaben nel futuru comercial del so inventu, pero, por embargu, enfotáronse en sacá-y rentabilidá y unviaben un cinematógrafu y un operador perende, y ellí au fuera requeríu, como la Coronación del zar Nicolás.

En 1903 patentaron un procesu pa fotografíes en color, el "Autochrome Lumière", lanzáu al mercáu en 1907.

Referencies

Enllaces esternos

• Wikimedia Commons tien conteníu multimedia tocante a Hermanos lumiére.
• Dellos de los curtios fechos polos Lumière (en francés).