.svg.png.webp){kind=small}
Coordenaes: 
5h 35m 25.982s, -5° 54′ 35.644″
Hatsya (ι Ori / ι Orionis / 44 Orionis) ye una estrella de la constelación d'Orión, la octava más brillosa de la mesma y la más brillosa de les que conformen la espada d'Orión, con magnitú aparente +2,75. La estrella tamién ye conocida pol nome árabe Na’dir al Saif, que significa precisamente «la brillosa de la espada».
Asitiada a una incierta distancia de 1300 años lluz —pero que puede aportar a d'hasta 2000 años lluz—, Hatysa ye una xigante azul de tipu espectral O9III bien caliente. Con una temperatura efectivo de 31.500 K, ye más de 25.000 K más caliente que'l Sol.
Hatysa ye, amás, una binaria espectroscópica. Al pie de la xigante azul, con un periodu orbital de namái 29 díes, muévese una estrella blancu-azulada de tipu B1 nuna órbita bien escéntrica que fai que la separación ente les dos estrelles bazcuye ente 0,11 y 0,8 UA. La gran escentricidá del sistema puede esplicase en base a dos estrelles fuxitives de tipu espectral casi idénticu, AE Aurigae y μ Columbae. El cálculu de les trayectories de les estrelles suxure que fai 2,5 millones d'años, un alcuentru próximu ente dos sistemes binarios resultó na espulsión a gran velocidá de dos de les estrelles —AE Aurigae y μ Columbae— ente que les otres dos consiguieron permanecer xuníes nuna órbita bien escéntrica —Hatysa—.
Otres dos estrelles muncho más alloñaes, a 50 y 11 segundos d'arcu, completen el sistema estelar de Hatsya.
Referencies
- 1 2 3 4 Afirmao en: SIMBAD.
- 1 2 3 Floor van Leeuwen (2007). «Validation of the new Hipparcos reduction» (n'inglés). Astronomy and Astrophysics (2): páxs. 653–664. doi:.
- ↑ Norberto Castro (19 avientu 2016). «The IACOB project. III. New observational clues to understand macroturbulent broadening in massive O- and B-type stars» (n'inglés). Astronomy and Astrophysics. doi:.
- ↑ Dimitri Pourbaix (setiembre 2004). «SB9: The ninth catalogue of spectroscopic binary orbits» (n'inglés). Astronomy and Astrophysics (2): páxs. 727–732. doi:.
- ↑ «Coarse analysis of the helium weak B star iota Ori B» (n'inglés). Astronomy and Astrophysics: páxs. 197–203. 1970.
- ↑ E. J. Alfaro (10 marzu 2011). «THE GALACTIC O-STAR SPECTROSCOPIC SURVEY. I. CLASSIFICATION SYSTEM AND BRIGHT NORTHERN STARS IN THE BLUE-VIOLET ATR∼ 2500». The Astrophysical Journal Supplement Series (2): páxs. 24. doi:.
