 Harbin | |||
|---|---|---|---|
 | |||
| |||
| Alministración | |||
| País |  República Popular China | ||
| Provincies | Heilongjiang | ||
| Tipu d'entidá | Ciudá-subprovincia de la República Popular China | ||
| Cabezaleru/a del gobiernu | Sun Zhe | ||
| Nome oficial |
哈尔滨市 (zh-cn) ᡥᠠᡵᠪᡳᠨ (mnc) | ||
| Nome llocal | 哈尔滨 (zh) | ||
| Códigu postal |
150000 | ||
| Xeografía | |||
| Coordenaes | 45°45′00″N 126°38′00″E / 45.75°N 126.6333°E | ||
  Harbin Harbin (República Popular China)  | |||
| Superficie | 53076.48 km² | ||
| Altitú | 150 m | ||
| Demografía | |||
| Población | 10 009 854 hab. (2020) | ||
| Porcentaxe |
31.43% de Heilongjiang 0.69% de República Popular China | ||
| Densidá | 188,59 hab/km² | ||
| Más información | |||
| Fundación | 1898 | ||
| Prefixu telefónicu |
0451 | ||
| Estaya horaria | UTC+08:00 | ||
| Llocalidaes hermaniaes |
Bucheon, Givatayim, Magdeburgu, Minneapolis, Krasnodar, Wiener Neustadt, Vítebsk, Edmonton, Chiang Mai (es)  , Ploiești, Anchorage, Yakutsk (es) , Varsovia, Jabárovsk, Aarhus, Niigata, Asahikawa, Griffith, Nyíregyháza, Gómel, Daugavpils, Krasnoyarsk (es) , Múrmansk, Užice, Ndola y Vladivostok
| ||
| harbin.gov.cn | |||
 | |||
Harbin (en chinu simplificáu: 哈尔滨市; en chinu tradicional: 哈爾濱市; en pinyin: [Hā'ĕrbīn]; y en rusu: Харбин) ye la capital y la ciudá mayor de la provincia de Heilongjiang, na República Popular China. Ye la décima ciudá más poblada del país, con una población, según el censu de 2010, de 5.878.939 área urbana y 10.635.971 nel territoriu de la so prefeutura. La ciudá ye'l centru políticu, económicu, científicu, cultural y de comunicaciones del noreste de China.
Harbin, que ye una pallabra manchú que significa llugar ú se sequen les redes de pesca, medró enforma dende la so condición de pequeña aldea asitiada a la vera'l ríu Songhua. El so espoxigue entamó en 1898, cuando aportó a ella el ferrocarril tresmanchurianu (nomáu Chinese Eastern Railway anguaño), que xunía la ciudá rusa de Vladivostok cola china de Dalian. La ciudá entamó a prosperar, llamando l'atención el descomanáu númberu de xudíos que vivíen nella.
La ciudá foi ocupada polos exércitos blancos que lluchaben escontra los bolxeviques en 1918, demientres la Guerra Civil Rusa. Años dempués, en febreru de 1932, volvió ser ocupada, esta vez polos xaponeses. L'exércitu rusu reconquistóla n'agostu de 1945 y, dempués de un tiempu en manes del Kuomingtan pasó a manes del Exércitu de Lliberación popular n'abril de 1946. Esti pasáu rusu ye visible na gastronomía, na cultura y nel paisaxe arquiteutónicu. Llegó a haber 15 ilesies ortodoxes y dos cementerios rusos, magar que'l so númberu menguó, tres la Revolución Cultural hasta les 10 actuales (namái una tien servicios relixosos regulares). Destaca, d'ente elles, la ilesia de Santa Sofía, inaugurada en 1932 y convertida nún muséu qu'amuesa les influyencies de l'arquiteutura de la ciudá.
La ciudá ye conocida polos fríos estremos que soporta n'iviernu, que faen que se la conozca como la ciudá de xelu. Ye una ciudá singular pol so pasáu rusu, y entá xuega un papel perimportante nel comerciu ente los dos países. Na década de los 20 del sieglu XX la ciudá yera considerada la capital de la moda china, una y bones los nuevos diseños de París y Moscú aportaben a ella primero que a Shanghai. Nel 2010 foi nomada pola UNESCO Ciudá de la Música.
No que cinca a la economía, la ciudá busca'l so sitiu dentro del grupu de grandes ciudaes (qu'inclúi a Changchun, Dalian y Shenyang amás de a Harbin) del noroeste de China. Dalian ye consideráu'l centru portuariu de la rexón y Shenyang el so centru financieru, mentantu que Harbin busca ser el centru de comerciu y compres de la zona. Cuenta a favor col so gran crecimientu económicu, apoyáu na bayura de recursos naturales, un bon sistema de tresporte y trabayadores abundantes y bien formaos.
El sector terciariu ye'l más importante na ciudá, y aporta la metá del so PIB. Sicasí, les tierres de la so rodiada son bonos suelos (de tierra negra), perafayaízos pal cultivu de plantes testiles y d'alimentación. Asina, la producción y comercialización de cereales ye una de les actividaes presentes na ciudá, magar que hai tamién industria llixera, testil, médica, d'automoción, metalúrxica, electrónica, de materiales de connstrucción... Tamién tien la so sé na ciudá'l Harbin Institute of Technology, una de les meyores universidaes chines. Fundada en 1920, ye anguaño un importante centru d'investigación teunolóxica. Ente los sos llogros tán tener llograo la creación del primer ordenador analóxicu chinu o el primer axedrez intelixente.
Referencies
Enllaces esternos
- (n'inglés) Páxina web del gobiernu de Harbin
- (n'inglés) Páxina web del Harbin Ice Festival
Wikimedia Commons tien conteníu multimedia tocante a Harbin.
| Control d'autoridaes |
|---|
