.svg.png.webp){kind=small}
Coordenaes: 
17h 41m 59.026s, -33° 30′ 13.703″
HD 160529 ye una estrella hiperxigante asitiada na constelación d'Escorpión. Ye demasiáu débil cómo pa ser visible a güeyu, pero ye un oxetivu fácil para prismásticos.
Carauterístiques
Ésti astru, de tipo espectral A3, ye unu de los meyores exemplos de variable lluminosa azul de baxu rellumu y masa; alcuéntrase a una distancia del Sol de 2,5 quilupársecs, anque ésta distancia tien una elevada incertidume -del orde del 30%; ver referencies-.
HD 160529 foi clasificada cómo variable lluminosa azul por cuenta de una baxada de rellumu de 0,5 magnitúes ente 1983 y 1991 y a un cambéu de tipu espectral d'A9 a B8; cómo estrella de tipu espectral A9 yera 330 vegaes mayor que'l Sol, 13 vegaes más masiva, y 288.000 vegaes más brillosa, con una temperatura superficial de 8.000 Kelvin y una magnitú absoluta visual de -8,9, y cómo B8 ye 150 vegaes mayor que'l Sol, con una temperatura superficial de 12.000 Kelvin, pero cola mesma lluminosidá.
La relativamente baxa masa d'ésti astru fai pensar que ye una estrella que dexó tras la fase de superxigante colorada.
Referencies
- ↑ Afirmao en: SIMBAD.
- 1 2 3 Afirmao en: Gaia DR2. Llingua de la obra o nome: inglés. Data d'espublización: 25 abril 2018.
- ↑ Afirmao en: VizieR. Llingua de la obra o nome: inglés.
- ↑ «Pulkovo Compilation of Radial Velocities for 35 495 Hipparcos stars in a common system» (n'inglés). Astronomy Letters (11): páxs. 759–771. payares 2006. doi:.
- ↑ Thomas Rivinius (2003). «Long-term spectroscopic monitoring of the Luminous Blue Variable HD 160529» (n'inglés). Astronomy and Astrophysics: páxs. 279–291. doi:.
