Primeres ediciones

La so primer edición foi en 1955, anque la so segunda edición nun se llegó a apostar hasta 1984 cuando s'utilizó como "prueba d'apertura" del Tour de Francia hasta 1989, por cuenta de que dambes carreres taben entamaes polos mesmos organizadores.

Tour de la CEE, Tour Cycliste Féminin y Grande Boucle

En 1990 camudó de formatu y llamóse Tour de la CEE sumiendo esta prueba definivamente en 1994. Nun teniendo dende entones esta prueba rellación col Tour de Francia.

En 1992 creóse otra prueba similar llamada Tour Cycliste Féminin (coincidiendo col Tour de la CEE mientres 2 años) anque a mediaos de los 90 surdió un problema alredor del nome d'este. Hasta 1997, esta nueva carrera llamada Tour Cycliste Féminin (TCF) foi conocida como'l "Women's Tour de France". El comité organizador de la prueba determinó que podríen esistir problemes de marques cola pallabra Tour, polo qu'en 1998 el nome foi camudáu por Grande Boucle.

Últimes ediciones: decadencia de la prueba

Hasta la edición del 2000 foi una competición per etapes de máxima categoría hasta que al añu siguiente baxó a categoría amateur. Dempués de que nun pudiera celebrase la edición de 2004, la carrera volvió en 2005 con un formatu menor, cuntando solo 5 díes de competición (hasta entós, la carrera duraba ente 10 y 15 díes) y amenorgándose a una única rexón en Francia. A partir del 2007 volvió ser una carrera profesional pero de categoría 2.2 (última categoría profesional).^[2] En 2008, la carrera consistió en 7 etapes apostaes en 6 díes de competición. La so última edición, en 2009, por cuenta de les sos dificultaes, solo tuvo cuatro etapes, la postrera d'elles con entamu en Irún (España).^[3][4]

Tres la so desapaición La Route de France, creada en 2006, ye considerada la heredera direuta d'esta prueba.