| Glíptica | |
|---|---|
| Artesanía | |
técnica artística (es)  | |
 | |
 |
La glíptica, pallabra proveniente del griegu γλυπτός, ye l'arte de grabar o tallar les piedres precioses o cuños n'aceru pa ellaborar monedes y medayes.[1][1] Pasó na Antigüedá por trés grandes fases:
- Na primera, llindense a grabar pictogrames sobre piedres más o menos dures por que sirvieren de signos o sellos a los altos dignatarios, sacerdotes o reis. Esti primer periodu de la glíptica abraza los dos mayores y más antigües civilizaciones: la del Antiguu Exiptu y la de Sumeria.
- Nos empiezos del segundu periodu atopamos los fenicios, l'Antigua Grecia y los etruscos. Nestos pueblos, la glíptica empezó a convertise en verdaderu arte.
- La glíptica llegó al so apoxéu nel tercer periodu en Grecia nel sieglu de Pericles y na Antigua Roma nel reináu d'Augusto. Los griegos buscaron sobremanera la pureza de la forma y les contornes como la guapura de les traces y llinies ente que los romanos ocupábense más en faer resaltar los colores y la tresparencia de les piedres fines, aspiraciones o enclinos ambos que caracterizaben bien el xeniu particular d'aquellos pueblos: l'unu escorriendo l'ideal de la Poesía; l'otru, buscando la riqueza y el rellumu como desideratum supremu del arte.
Ente les piedres asina grabaes que nos mandó la Historia atópense:
- el Demóstenes, Mecenes, Perseo y Mercuriu del grabador Dioscórides
- el Toru de Filo
- l'Aquiles tocando la llira de Panófilo
- l'Aguamala de Solón
- la Minerva de Aspasio
- el conocíu col nome de Julia de Evodo o Sellu de Miguel Ángel porque de tal usu sirvió al inmortal artista.
Les piedres antigües clasifiquense con nomes especiales sacaos de dalguna particularidá de la so forma o de la naturaleza de los asuntos representaos nelles. Asina se llamen:
- caprichos, aquélles que les sos figures arrexuntaes cómicamente
- quimeras, les que tienen oxetos de pura invención, resultancia del conxuntu de partes de distintos animales
- astríferas, les de los astros
- escarabeos les análogues exipcies que son consideraes como les más antigües
Conócense tamién otres piedres grabaes que contién los símbolos del cultu de ciertes sectes gnóstiques. Estes piedres llamábense abraxas, según la pallabra en lletres griegues que se llee en toes elles y según otros, piedres basilidianas, nome que reciben por creer les simbóliques de la secta de Basilides.
La glíptica casi sumió dempués del Imperiu romanu pero volvió remanecer nel sieglu XV n'Italia. Dos artistas eminentes cultivaron en Milán: Juan y Dominicu más conocíos por Juan el de les Cornalinas y Dominicu el de los Camafeos. Esti arte foi importáu en Francia por Mateo del Vassaro que foi a París siguiendo a Francisco I. Son notables les coleiciones de Londres, Múnich, Viena y París y atópense datos perinteresantes sobre esta materia nes obres de Vettori, Ratter, Millín y Mariette.
