Gastrectomia radical

Consiste na estraición de tol estómagu y de los texíos celulo-linfáticos d'alredor.
Suel faese sobre manera en presencia de cáncanu d'estómagu (carcinoma gástricu).

Gastrectomia total

Consiste na estraición del estómagu, dende'l cardies hasta'l píloru.
El muñón d'esófagu xúnese direutamente al ileu o al colon, y va dilatándose progresivamente, formando una especie de nuevu estómagu (neoestómagu).

Hai un subtipu que ye la gastrectomía subtotal, con tres menes d'operación:

1. Gastroduodenostomía (Bilroth I): Xuniendo'l muñón direutamente col cabu del duodenu. Ye la variedá más fisioóxica.
2. Gastroyeyunostomía (Bilroth II o Anastomosis n'ω): Xuniendo'l muñón cola convesidá d'una de les primeres ases intestinales, dispuesto de tala manera que forma la lletra griega omega mayúscula.
3. Gastroyeyunostomía n'Y de Roux: Un muñón d'estómagu xúnese al cabu seicionáu d'una asa intestinal, al que se-y xune'l duodenu llateralmente al asa intestinal.

• 
  Bilroth I
• 
  Bilroth II
• 
  Gastroyeyunostomía n'Y

Gastrectomía parcial

Consiste na reseicíon d'una parte del estómagu. Realízase en cuadros patolóxicos selectivos del texíu constitutivu del estómagu, como la úrzula gástrica o duodenal.
La reseición comporta cuasi siempre la eliminación del píloru. El tránsitu del estómagu al intestín vien aseguráu por una gastroduodenostomía; más frecuentemente la xuntanza faise tres del muñón del estómagu col yeyunu (operación de Polya, operación de Finsterer, operación de Kocher, etc.).